Neft Fondunun AÇG mənfəət neftinin satışından gəlirləri 2015-ci ilin yanvar-oktyabrında $5 mlrd 856 mln olub.
Fonduməlumatına görə, 2001-ci ildən 1 noyabr 2015-ci ilədək Neft Fondunun AÇG mənfəət neftinin satışından gəlirləri $116 mlrd 7 mln təşkil edib.
Turan agentliyi xatırladır ki, 2014-cü ildə bu göstərici $15 mlrd 118 mln (2013-cü ildə - $16 mlrd 261 mln) olub.
Neft Fondunun AÇG mənfəət neftinin satışından gəlirləri
2015-ci il | Məbləğ, mlrd dollar | BTCFOBCeyhan neftinin qiyməti $/barrel (SOCAR-ın məlumatı) |
I rüb | $2 065 | 54,95 |
II rüb | $1,656 | 63,10 |
IIIrüb | $1,504 | 51,60 |
Cəmi | $5,225 | 56,55 |
Cədvələ baxanda sual yarana bilər ki, neftin bahalaşnması II rübdə Fondun gəlirlərinə niyə təsir etməyib? I yarımil üçün məlumatlara baxsaq, aydın olur ki, hasilat 2,8 mln barrel (bu ilin yanvar-iyununda 116 mln barrel, ötən ilin eyni dövründə118,8 mln barrel) azalıb.
Hökumət yaxın bir neçə il üçün proqnozda bu amili nəzərə almalıdır. Məsələ burasındadır ki, 3 ildən sonra neftin barreli $80 olsa, ölkəyə ciddi gəlir gətirməyəcək (ildə $10 mlrd). 2018-ci ildə AÇG çərçivəsində bu ilki kimi 31 mln ton yox, 29 mln ton neft hasil ediləcək. Üstəlik, “Əsrin müqaviləsi” köhnəldikcə, maya dəyəri artır, gəlirlər azalır.
Cədvəldəki məlumatlara istinadən 2015-ci ildə Fondun AÇG çərçivəsində gəlirlərini proqnozlaşdrmaq olar.
Oktyabrda bu göstərici $631 mln olub.
Nəzərə alsaq ki, noyabrın ortalarında 3 həftəliyə “Çıraq” platformasında (sutkada 50 min barrel) hasilat dayandırılacaq, ilin sonuna kimi sutkalıq hasilat 5 min barrel azalacaq, noyabr-dekabrda Fondun gəlirləri $1,1 mlrd olacaq. Ümumən ARDNF-nin gəlirləri $6,96 mlrd olacaq, bu isə ötən ilkindən 2,17 dəfə azdır.
1 oktyabr 2015-ci il üçün Fondun aktivləri $34 mlrd 738,1 mln olub. İl ərzində azalma $2 mlrd 567,2 mln təşkil edib. Fondun ehtiyatları ilin əvvəli ilə müqayisədə 2,36% (01.01.2015-ci ildə $37 mlrd 104,1 mln olub) azalıb.
Hökumət 2016-cı ildə neft $50 olacağı təqdirdə ARDNF-nin büdcəsini kəsirli proqnozlaşdırıb. Fondun gəlirləri 6 mlrd 711,6 mln, xərcləri 8,2 mlrd manat olacaq. Kəsir 1 mlrd 488,4 mln manat təşkil edəcək.
Fondun gəlirlərinin 92-93%-i AÇG-dən mədaxil əsasında formalaşır.
* AÇG üzrə saziş 20 sentyabr 1994-cü ildə bağlanılıb. Layihə iştirakçıları bunlardır: BP (35,78%), Chevron – 11,27%, ExxonMobil (8,0006%), ONGC Videsh Limited (2,72%), Inpex (10,96%), Itochu (4,3%), SOCAR (11,65%), Statoil (8,56%), TPAO (6,75%).—12В--
İqtisadiyyat
-
11 yanvar tarixində Serbiya Prezidenti Aleksandar Vuçiç Azərbaycanın Serbiyaya Şahdəniz yatağında texniki problemlər səbəbilə gündəlik 1,7 milyon kubmetr qaz tədarükünün dayandırılması barədə bildiriş göndərdiyini açıqlayıb.
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
Rəy yaz