Dövlət Neft Fondu neft və qaz gəlirlərini milli rifah üçün istifadə etmək məqsədilə yaradılıb. Bu gün o, ölkə ÜDM-nin yarısını idarə edir və iri beynəlxalq investora çevrilir. Bu barədə Britaniyanın Independent qəzetinə ARDNF prezidenti Şahmar Mövsümov bildirib.
Onun sözlərinə görə, hökumət iqtisadiyyatı iki üsulla şaxələndirə bilər. Birincisi aparıcı roldur. Bu zaman hökumət zavod və fabrik tikir, istehsalı şaxələndirir. İkinci halda hökumət infrastruktura investisiya qoyur, özəl sektor üçün yaxşı şərait yaradır.
“Birinci üsulu SSRİ dövründə 70 il sınaqdan keçirdik. Hökumət pis biznesmendir, o, istehsal və xidmətə girişməməlidir, şərait yaratmalıdır. Ona görə hökumət əsas infrastruktura iri investisiya qoyur”, - deyə o bildirib.
Cənub qaz dəhlizi, onun Fondun gəlirlərinə təsiri barədə suala cavab verən Mövsümov qeyd edib ki, qaz satışından gəlirlər neft qədər iri miqyaslı olmayacaq.
Onun sözlərinə görə, qaz məsələsi çox siyasiləşib və Azərbaycan üçün siyasi layihədir: “Bu layihənin tərkib hissəsi olmaq istəyirik və təkcə Azərbaycanın yox, regionun resurslarını Avropaya açmaqdan şad olarıq”, - deyə Mövsümov bildirib.
* 1 oktyabr üçün ARDNF-nin aktivləri $35,8 mld olub. –12D--
İqtisadiyyat
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
-
Azərbaycan parlamenti 2025-ci il üçün yaşayış minimumunu müəyyən edən qanunu təsdiqləyib, müxtəlif demoqrafik qruplar üçün konkret məbləğlər ayrılıb. Prezident İlham Əliyev tərəfindən 16 dekabrda imzalanan qanun 2025-ci il yanvarın 1-dən qüvvəyə minəcək. Prezidentin fərmanı 27 dekabrda dərc edilib.
-
Azərbaycan Prezidenti 27 dekabr 2024-cü il tarixində dövlət xərclərinin bölüşdürülməsi və icrasını nizamlayan "2025-ci il Dövlət Büdcəsi Qanunu"nun tətbiqi ilə bağlı fərman imzalayıb. 93-VIIQ nömrəli qanun çərçivəsində kodlaşdırılan qanunvericilik, müdafiə, təhsil, səhiyyə və infrastruktur sahələrindəki strateji prioritetləri əks etdirən müxtəlif sektorlara aid ətraflı büdcə təxsisatlarını müəyyən edir.
Rəy yaz