Neft hasilatı azalır, artım gözlənilmir

Bu ilin 8 ayında Azərbaycanda neft hasilatı 1% azalaraq, 29 mln 121,3 min ton olub.

Pik nəticə mayda qeydə alınıb - 3 mln 815,9 min ton. Sonradan azalma başlayıb: iyunda 3 mln 687 min ton, iyulda 3 mln 668,3 min ton, avqustda 3 mln 643,1 min ton.

Mayda ölkədə 123,1 min ton (910 min barrel), avqustda 117,5 min ton или 869 min barrel neft çıxarılıb. 3 ayda hasilat 4,5% və ya sutkada 5,6 min ton azalıb. 

İlin I yarısında 21 mln 809,9 min ton neft hasil edilib, bu, ötən ilin eyni dövründəkindən 1,6% azdır. Bu rəqəmdən çıxış edib demək olar ki, ilin sonuna kimi 43 mln ton hasilat mümkündür. Amma ilin II yarısında kəskin azalma başlayıb. 

Hökumətin proqnozuna görə, bu il 42,1 mln ton çıxarılacaq. Amma bu, mümkünsüz görünür.  

Turan agentliyi müəyyən edib ki, azalma əsasən AÇG meydançasında baş verir. Burda I yarımildə sutkalıq hasilat 672 min barrel olub. Amma yarımilin sonunda bu göstərici 660 min barrel, sentyabrın əvvəlində 650 min barrel təşkil edib. Əldə edilən məlumatlara görə, oktyabrda AÇG-də hasilat sutkada 640 min barrel, ilin sonunda 625-630 min barrel olacaq. Səbəb odur ki, yeni qazılan quyular azdır və onlar hasilatı azalan köhnələri əvəz edə bilmir. 

İlin sonunda "Qərbi Çıraq" hasilat platforması istismara veriləcək. Nəticədə hasilat sabitləşməlidir. Hökumət gələn il üçün 41 mln ton proqnoz verir, bu, 2013-cü ilin proqnozundan 2,6% azdır. 

Əvvəllər hökumət bəyan edirdi ki, "Qərbi Çıraq" hasilat platforması istismara veriləndən sonra 2014-2015-cü illərdə hasilatda artım olacaq, 2016-cı ildən yenidən azalma başlayacaq. Reallıq ondan ibarətdir ki, 2010-cu ildən başlayan azalma dayanmır. Hökumət gələn ilin büdcəsində neftin 1 barrelinin qiymətinin $90 olmasını təklif edir. --12А--