Maliyyə naziri Samir Şərifov bildirib ki, dövlət büdcəsinin parametrlərinə yenidən baxılanda neftin qiyməti $25 götürüləcək. Xatırladaq ki, dövlət başçısı neftin baza qiymətini $50 təsdiq edib.
Nazir bildirib ki, hökumət büdcənin gəlirlər hissəsini 16,4 mlrd, xərclər hissəsini 18,2 mlrd manata artırmaq istəyir. Xatırladaq ki, təsdiq edilmiş büdcədə gəlirlər 14 mlrd 566 mln, xərclər 16 mlrd 264 mln manat, kəsir 1 mlrd 698 mln manat təsdiq edilib.
Yəni gəlirlər Neft Fondundan transfertlər hesabına 1,9 mlrd manat (+1,2 mlrd manat) artırılacaq. Nazir deyib ki, xarici borca xidmət, diplomatik nümayəndəliklərin saxlanması və s azaldılacaq. Əksinə, aztəminatlı ailələrə dəstək xərcləri artırılacaq. Bu məqsədlə əlavə 1 mlrd manat ayrılacaq, - deyə o bildirib. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz