Neftin qiyməti mənfi dinamikanı davam etdirir. Şimal dənizinin Brent nefti 10:45-da $57,07-a düşüb. Bunu London birjasının məlumatları da göstərir.
Bu, 11 may 2009-cu ilin minimumundan aşağıdır. WTI markalı neftin qiyməti 52,78 dollardır.
Bu il iyunun ortalarından neft 50% ucuzlaşıb.
İnvestorlar OPEK-in hasilatı azalmaması ilə bağlı narahatdır.
«Bazarda neftin çoxluğu qısa müddətə həll ediləsi problem deyil. OPEK üzvlərinin hasilatı azaltmaması neftin qiymətinə təzyiq edir», - deyə Samsung Futures Inc analitiki Xon Sun Ki bildirib.
Çərşənbə günü ABŞ-ın Energeryika Nazirliyi bu ölkənin kommersiya neft ehtiyatları barədə statistikanı açıqlayacaq. Bu da neftin qiymətinə təsir edir. Reuters-in rəyini soruşduğu analitiklər həftə ərzində ehtiyatların 867 min barrel azalacağını düşünür. 19 dekabrda başa çatan həftədə neft ehtiyatları 7,3 mln barrel artaraq 387,2 mln barrel olub.
Bu yaxınlarda Səudiyyə Ərəbistanının neft naziri Əli əl-Nuyami bəyan edib ki, neftin barreli 20 dollara düşsə belə OPEK hasilatı azaltmayacaq.
Qiymətin düşməsinin əsas səbəbi təklifin tələbdən çox olmasıdır. OPEK-in dekabr məruzəsinə görə, 2015-ci ildə neftə tələbat son 12 ildə minimal olacaq.—12D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz