Neftin qiymətinin enməsi ilə əlaqədar şirkətlər Xəzərin işlənməsinə investisiya qoymaq istəmirlər
Neftin qiymətinin enməsi şirkətlərin yeni layihələrə investiya qoymaq istəyinə də müəyyən dərəcədə təsir göstərib. Bu barədə SOCAR prezidenti Rövnəq Abdullayev jurnalistlərə bildirib.
Onun sözlərinə görə, Xəzərin Azərbaycan sektorunda vahid blok çərçivəsində “Babək” perspektiv strukturunun və “Ümid” qaz-kondensat yatağının işlənməsi məsələsilə bağlı beynəlxalq neft-qaz şirkətlərinin təklifləri baxılmaq üçün Dövlət Neft Şirkətinə təqdim olunub.
“Odur ki, biz qərar qəbulu ilə bağlı tələsmirik. “Ümid” yatağında quyuların qazılması işləri və qaz hasilatı dayanmır. Bu yaxınlarda dördüncü quyunun qazılmasına başlamışıq”, - R.Abdullayev bildirib.
Bundan öncə o, bildirib ki, Dövlət Neft Şirkəti “Ümid-Babək” blokunun birgə işlənməsi ilə bağlı 12 transmilli şirkətdən təklif gözləyir.
Bir blokun tərkibində sözügedən strukturlarda işlər mürəkkəb texniki işlənmə proqramı, sualtı işlənmə və böyük həcmdə investisiya tələb edir.
Məhz buna görə Dövlət Neft Şirkəti bu blokda işlərə tərəfdaş kimi iri çirkətləri cəlb etmək barədə qərar qəbul edib. Müqavilə forması məsələsi təkliflərdən asılı olaraq həll ediləcək. Çünki SOCAR-ın sualtı işlənmələr üçün mürəkkəb texnologiyları yoxdur.
“Ümid” yatağında iki quyunun gündəlik debeti 1,1-1,5 mln. kubmetr qaz civarındadır. Yataqda ümumi qaz ehtiyatları 200 mlrd. kubmetr həcmində dəyərləndirilir.
SOCAR “Ümid” yatağının açıldığını 2010-cu ilin noyabrında elan edib. Lakin yataqdan hasilata 2012-ci ilin sentyabrında başlanılıb.
“Ümid” yatağı Bakının 75 km.-də, sahildən 40 km.-də yerləşir. –0-
-
- İqtisadiyyat
- 22 Sentyabr 2015 01:21
-
- Siyasət
- 22 Sentyabr 2015 09:46
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz