Dünya bazarında neftin qeyri-sabit qiyməti hələ ARDNŞ-nin investisiya proqramına təsir etməyib. Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev jurnalistlərə belə deyib.
Onun sözlərinə görə, gəlirlər proqnozlaşdırılanda qiymətin düşməsi də nəzərə alınıb.
“ARDNŞ-nin xərcləri və investisiya proqramı neftin qiymətinə uyğun korrektə edilir”, - deyə o bildirib.
Qeyd edək ki, 3 aydır dünya bazarında neftin qiyməti düşür. 14 oktyabr üçün Nyu York əmtəə birjasında neft fyuçersləri noyabr üçün 0,77% qalxaraq barrel üçün USD 85,08-a satılır, deyə investing.com bildirir. –12D—
İqtisadiyyat
-
Azərbaycan Prezidenti İlham Əliyev “Azərbaycan Respublikasının Silahlı Qüvvələri” qanununda dəyişikliklər edilməsi haqqında sərəncam imzalayıb. 24 dekabr 2024-cü ildə imzalanan sərəncam, 7 noyabr 2024-cü il tarixli qanunda edilən dəyişikliklərin həyata keçirilməsi ilə bağlıdır və bu dəyişikliklərin praktiki tətbiqini təmin etməyi hədəfləyir.
-
Silk Way Alat Azad İqtisadi Zonası (SW AFEZCO) inkişafının transformasiya mərhələsinə daxil olub. Şirkət Alat Azad İqtisadi Zonasında (AFEZ) Silk Way Cargo Village-in layihələndirilməsi və tikintisi üçün FF Construction ilə mühüm razılaşma imzalayıb. Bu iddialı layihə, Yük Kəndinin əsasını təşkil edəcək üç obyektin – hava hərəkətinə nəzarət mərkəzi, biznes aviasiya terminalı və yanğınsöndürmə stansiyasının planlaşdırılması, mühəndislik işləri və inşasını əhatə edir.
-
Azərbaycan Prezidenti İlham Əliyev Bakı Beynəlxalq Dəniz Ticarət Limanının yükaşırma qabiliyyətinin artırılması məqsədilə sərəncam imzalayıb. Limanın genişləndirilməsi layihəsi üçün Prezidentin ehtiyat fondundan 20 milyon manat (11,8 milyon ABŞ dolları) ayrılıb.
-
Antinhisar və İstehlak Bazarına Nəzarət Dövlət Xidməti ilə yanacaq sektoru üzrə sahibkarlar arasında keçirilən görüşdə həm mövcud problemlər, həm də irəliləyişə yönəlmiş ümidverici addımlar müzakirə edildi. İqtisadiyyat Nazirliyinin təşəbbüsü ilə təşkil olunan müzakirələrdə yanacaq keyfiyyəti məsələləri, istehlakçı hüquqlarının qorunması və ölkədə qəbul olunmuş standartlara riayət olunması kimi mövzular əhatə olundu. Azərbaycanda avtomobil yanacağı uzun müddətdir ki, mübahisəli bir məsələ olaraq qalır.
Rəy yaz