2013-cü ildə Qaradağ rayonunda sement istehsalına başlayan Norm şirkəti 2014-cü ildə 713 min manat mənfəət əldə edib.
Deloitte şirkətinin auditini təsdiq etdiyi maliyyə hesabatına əsasən, ötən il satışdan gəlirlər 51,8 mln manat olub. Satışın maya dəyəri nəzərə alınmaqla birbaşa mənfəət 18 mln 187 min manat təşkil edib.
Ötən il şirkətin aktivləri (258,5 mln manat) 9,4% artıb. “Norm” MMC-nin kreditorlar və tədarükçülərə öhdəlikləri bu ilin əvvəli üçün 151,7 mln manat olub.
Norm şirkətinin sement zavodunun tikintisinə 2011-ci ildə başlanılıb. Müəssisənin gücü sutkada 5 min ton klinker və ildə 2 mln ton sementdir. Bu, Azərbaycanda ənböyük sement müəssisəsidir. 08D
İqtisadiyyat
-
Azərbaycan, regional ölkələrdən keçən yüklər üçün gömrük prosedurlarını sadələşdirmək və sürətləndirmək məqsədi daşıyan Transxəzər Gömrük-Tranzit Portalının yaradılmasını təşəbbüs edib. Məlumatların əvvəlcədən emalı və prosedurların sadələşdirilməsi yolu ilə yüklərin daha tez rəsmiləşdirilməsinə şərait yaradan bu portal, Xəzər regionunda ticarət səmərəliliyinin artırılması istiqamətində mühüm addım hesab olunur.
-
Azərbaycan Prezidenti İlham Əliyev Franklin Templeton şirkətinin baş direktoru və prezidenti Ceni Consonu qəbul edərək, strateji əməkdaşlıq imkanlarını müzakirə etdi. Franklin Templeton dünyanın aparıcı aktivlərin idarə edilməsi şirkətlərindən biridir.
-
2024-cü ildə Azərbaycanda elektrik enerjisi istehsalı 28 394,1 milyon kilovat-saat (kVt·st) təşkil edib. Bu barədə Energetika Nazirliyinin operativ məlumatlarında bildirilir.
-
Türk Dövlətləri Təşkilatının (TDT) Gömrük Xidməti Rəhbərlərinin 10-cu iclası çərşənbə axşamı Bakıda başlayıb. İclasda Azərbaycan, Türkiyə, Qazaxıstan, Özbəkistan və Qırğızıstanın yüksək vəzifəli nümayəndələri iştirak edirlər. Tədbirə həmçinin Birləşmiş Millətlər Təşkilatı, Beynəlxalq Avtomobil Nəqliyyatı İttifaqı (IRU), Gürcüstan və Macarıstan gömrük xidmətlərinin nümayəndələri də qatılıb.
Rəy yaz