Noyabrda 52 ipoteka krediti verilib

Azərbaycan İpoteka Fondu yenidən kredit verməyə başlayıb.

AİF-in saytında verilən məlumata görə, noyabrda agent banklar 3,19 mln manat məbləğində 52 kredit verib. Xatırladaq ki, maydan noyabra kimi ipoteka krediti verilməyib və bu, 2006-cı ildən bəri yeganə durğunluqdur.

İyunda ipoteka krediti verilməsinin yeni qaydaları təsdiq edilib. Güzəştli ipoteka 30 illiyə (25 idi) 4%-lə, adi kredit 3-25 illiyə 8%-lə manatla verilir. Maksimum məbləği AİF müəyyən edir və o, Bakının 7-ci zonasında 100 kv m mənzildən baha olmamalıdır.

Güzəştli kredit mənzilin qiymətinin 85%-i, adi ipoteka krediti 75-85%-i qədər olur. Hər ay 35-40 yaşdan çox olmayan borcalan həyat sığortası müqaviləsi varsa, gəlirinin 70%-dən çox olmayaraq ödəniş edir.

Güzəştlilər şəhid ailələri, milli qəhrəmanlar və ailələr, məcburi köçkünlər, elmi dərəcəsi olan alimlər, əməkdar idmançılar, hərbi və dövlət qulluqçuları, 5 ildən çox stajl olan müəlimlərdir. Onlar bir dəfə kredit ala bilər.
Ötən il 97,2 mln manat ipoteka krediti verilib. İndiyədək

18 min  49 nəfərə 734 mln manat ipoteka krediti verilib. .--17D—