Noyabrın 12-də Bakıda Alman - Azərbaycan Xarici Ticarət Palatasının təntənəli açılış mərasimi olacaq

Bu ilin martında təsis edilən Alman - Azərbaycan Xarici Ticarət Palatası (AAXTP) noyabrın 12-də Berlindən gələn yüksək səviyyəli qonaqların iştirakı ilə təntənəli açılış mərasimi təşkil edəcək.

Bakıdakı palata Alman-Azərbaycan iqtisadi ittifaqı bazasında formalaşıb və dünyanın 120-i ölkəsində analoji strukturları birləşdirən Almaniya Ticarət-Sənaye Palatası şəbəkəsinin bir hissəsidir. Bakıda yaradılan palata 125 Almaniya və Azərbaycan şirkətlərini birləşdirir.

Four Season Baku otelində keçiriləcək təntənəli mərasimdə AFR xarici işlər nazirinin müavini Kornelia Pieper, AR iqtisadi inkişaf naziri Şahin Mustafayev iştirak edəcəklər. 

Almaniya iqtisadiyyatının rəsmi nümayəndəliyini təklif edən AAXTP ikitərəfli tərəfdaşlığın mövcud potensialını istifadə etmək məqsədi güdür. Palata işgüzar dairələrə geniş xidmətlər spektrini təqdim edəcək.

Turana təqdim edilən AAXTP-nin press-relizində qeyd edilir ki, iki ölkə arasında xarici ticarət dövriyyəsi 2 mlrd. avronu üstələyir. Azərbaycan uzun illər ərzində özünü energetika sahəsində etibarlı tərəfdaş kimi göstərib. Almaniya şirkətləri Azərbaycanda infrastruktur layihələrin reallaşdırılmasına cəlb edilib. Bu əsasən elektrik qüvvəsinin məsafəyə ötürülməsi sistemlərin yenidən qurulması, elektrik stansiyalarının tikintisi, su təsərrüfatı, liman və nəqliyyat infrastrukturunun inkişafı, həmçinin dəniz qazması layihələri ilə bağlıdır. 08D