Noyabrın 14-17-də MDB-nin Maliyyə-Bank Şurasının təşkilatçılığı ilə Bakıda MDB-yə üzv olan ölkələrin “MDB-nin maliyyə bazarları: yeni imkanlar və qlobal risklər» mövzusunda V Yubiley Beynəlxalq Bank Konfransı keçiriləcək.
Tədbirdə milli və beynəlxalq inkişaf institutları, regional birləşmələrin yeni şəraitdə olan MDB ölkələrinin bank sistemləri və başqa məsələlər müzakirə ediləcək.
Plenar iclaslarda qlobal böhran şəraitində MDB maliyyə bazarlarının dayanıqlığının ehtiyatlarını artırmaq, investisiya sahəsində MDB ölkələrinin bir-biri ilə və vahid iqtisadi məkana üzv olan ölkələrlə əməkdaşlıq perspektivləri, Xəzəryanı maliyyə bazarlarının potensialı və inteqrasiya perspektivləri, islam bankçılığı, əhalinin vəsaitlərinin Birlik ölkələrinin inkişaf proqramlarının icrası üçün cəlb edilməsi və s. məsələlər ətrafında da müzakirələr aparılacaq.
Konfransın işində MDB ölkələrinin hökumət nümayəndələri, beynəlxalq maliyyə institutlarının əməkdaşları, MDB, Asiya, Avropa mərkəzi və iri banklarının rəhbərlərinin iştirakı planlaşdırılır. İnformasiya dəstəyini MDB-nin aparıcı KİV-ləri həyata keçirəcək. –15D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz