LEVC TX5. Açiq mənbələrdən foto.
Bakı/02.09.20/Turan: Nəqliyyat, Rabitə və Yüksək Texnologiyalar Nazirliyi (NRYTN) nazirliyin “Bakı Taksi Xidməti” bölməsi ilə bağlı Turan agentliyinin 17 avqust 2020-ci il tarixli informasiya sorğusuna 14 gün sonra cavab verib.
NRYTN-nin cavab məktubunda deyilir: “Turan” İnformasiya Agentliyinin “LEVC TX” modelli taksilərin ölkəyə gətirilməsinin maliyyə şərtləri barədə informasiya sorğusu ilə əlaqədar bildiririk ki, “Taksi minik avtomobilləri parkının yenilənməsi ilə bağlı tədbirlər haqqında” Azərbaycan Respublikasının Prezidenti İlham Əliyevin müvafiq Sərəncamı ilə 100 ədəd “LEVC TX5” model taksi minik avtomobillərinin alınması üçün vəsait ayrılıb.
Cavabdan belə çıxır ki, nazirlik agentliyin informasiya sorğusunu cavablandırmaqdan çəkinir.
Sorğuda yalnız bir sual var idi:
1. 1.Taksilər hansı maliyyə şərtləri əsasında gətirilib (qiymət, kredit faizi, kreditin müddəti)?
Bu gün agentliyin direktoru Mehman Əliyev avqustun 17-də verilən suala konkret cavab verilməsi xahişi ilə NRYTN-ə məktub ünvanlayıb.
Bir qədər əvvəl agentlik biznes nöqteyi nəzərindən London taksilərinin alınmasının əlverişli olmasını şühbə altına alırdı.–0—
İqtisadiyyat
-
2024-cü ildə Azərbaycanın buğda istehsalı 1,685.7 min ton təşkil edib ki, bu da əvvəlki illə müqayisədə 148.2 min ton azalma deməkdir. Dövlət Statistika Komitəsinə görə, buğda məhsuldarlığı da 8.5% azalıb, hektar başına 2023-cü ildəki 33.8 sentnerdən 2024-cü ildə 30.9 sentnerə düşüb. Bu göstəricilər ölkənin daxili buğda tələbatının yalnız 25%-ni yerli istehsalla qarşılaya bildiyi bir vaxtda narahatedici bir tendensiyanı ortaya qoyur.
-
Azərbaycanın iqtisadiyyat naziri Mikayıl Cabbarov Davosda keçirilən Dünya İqtisadi Forumu (DİF) çərçivəsində “Liderlər Dairəsi: Enerji Keçidinin Maliyyələşdirilməsi - Yeni Üfüq” sessiyasında iştirak edərək ölkənin qlobal enerji təhlükəsizliyindəki strateji rolunu və yaşıl enerji keçidi təşəbbüslərini vurğulayıb.
-
Gürcüstanın Batumi şəhərində Azərbaycan dövlət neft şirkəti SOCAR-ın təxminən 200 işçisi maaşlarının artırılması tələbi ilə yanvarın 21-də tətil keçiriblər. Yerli Batumelebi nəşrinin məlumatına görə, tətilə müxtəlif bölmələrdən texniklər və işçilər qoşulub. Onlar uzun illərdir ki, iş həcmlərinə uyğun olmayan minimal maaş aldıqlarını bildiriblər.
-
21 yanvar tarixində Davosda keçirilən görüşdə Azərbaycan Prezidenti İlham Əliyev Carlsberg Group-un Müşahidə Şurasının sədri Henrik Poulsen və şirkətin baş icraçı direktoru Yakob Aarup-Andersen ilə görüşüb. Müzakirələr zamanı Carlsberg Group-un Azərbaycandakı fəaliyyətini genişləndirməsi və yerli istehsalın, həmçinin dayanıqlılığın inkişafına sadiqliyi vurğulanıb.
Rəy yaz