Dövlətstatkom Səhiyyə Nazirliyinə istinadən 2015-ci ildə ölkədə ölüm statistikasını açıqlayıb. Sənədə əsasən, il ərzində onkoloji xəstəliklərdən ölüm 0,8% artaraq 13,3% təşkil edib. Bu, ürək-damar xəstəliklərindən sonra (60%) ikinci göstəricidir.
Tibbi rəylərə əsasən, 2015-ci ildə xərçəng xəstəliyindən 7278 nəfər ölüb. Bu, 2014-cü ildəkindən 296 nəfər çoxdur və son illərin ün yüksək göstəricisidir.
2011-2015-ci illərdə Azərbaycanda onkoloji xəstəliklərdən 32 528 nəfər dünyasını dəyişib.
DSK-ya görə, 2015-ci ildə 11118 nəfərə, o cümlədən 5 216 qadına xərçəng xəstəliyi diaqnozu qoyulub. 2016-cı ilin əvvəli üçün Azərbaycanda 40 653 xərçəng xəstəsi olub.
Qeyd edək ki, beynəlxalq statistikaya əsasən, Avropanın 12 ölkəsində xərçəng xəstəliyi ürək-damar xəstəliklərini keçərək liderliyə yüksəlib.
Bir sıra şəxslər hesab edir ki, Azərbaycanda onkoloji xəstəliklərlə bağlı vəziyyət pisdir. Amma rəsmi hökumət strukturları statistikaya «əl gəzdirir». 08B
İqtisadiyyat
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
-
Ölkədə son günlər çörəyin bahalaşdığı deyilir. Sosial şəbəkələrdə yazılır ki, çörəyin qiymətlərində 5-10 qəpik artım var. Şikayətlərə görə, Azərbaycanda "zavod çörəyi" kimi tanınan çörəyin üstündə çəki barədə məlumat tapmaq çətindir. Yəni, bir çox hallarda bu növ çörəyin üstündə çəki barədə məlumat yazılmır. Ayrı-ayrı sexlərin təndirxanalarında bişən çörəklə də bağlı alıcıya çox vaxt qiymətdən başqa heç bir məlumat verilmir.
-
Rusiya, İran və Azərbaycanın xarici işlər nazirləri, nəqliyyat nazirləri, enerji nazirləri və gömrük xidmətlərinin rəhbərləri yaxın zamanda Rəşt-Astara dəmir yolu layihəsinin icra vəziyyətini müzakirə etmək üçün üçtərəfli görüş keçirəcək. Bu barədə İranın Rusiyadakı səfiri Kazım Cəlali məlumat verib.
-
Azərbaycan və Tatarıstan enerji, maşınqayırma, neft-kimya, kənd təsərrüfatı və nəqliyyat sahələrində qarşılıqlı maraqlara əsaslanan ticarət və iqtisadi əməkdaşlığı gücləndirməkdə davam edir. İkitərəfli əlaqələr, rəsmi nümayəndə heyətlərinin müntəzəm səfərləri və beynəlxalq iqtisadi forumlarda iştirakı ilə dəstəklənən sabit inkişaf nümayiş etdirir.
Rəy yaz