Otellərin gəlirləri 0,4% artıb

2014-cü ilin I yarısında ölkədə 527 mehmanxanadan 79,8 mln manat gəlir əldə edilib. Bu, ötən ilin eyni dövründəkindən 0,4% çoxdur.

Gəlirlərin 70%-i nömrə satışındandır. Dövlətstatkom I yarımildə otel biznesinin mənfəətliliyi barədə məlumatları açıqlamır. 

Hesabat dövründə otellərdə 319 min nəfər yerləşdirilib. Bu, ötən ilin eyni dövründəkindən 0,5% çoxdur. Qonaqların 58,8%-i xarici ölkə vətəndaşlarıdır. Hesabat dövründə gecələmələrin sayı əvvəlki ilin müvafiq dövrü ilə müqayisədə 1,2 faiz artaraq 711,8 min adam-gecə təşkil edib. Bunun 70,5%-i Bakının payına düşür.

Otellərdə orta qiymət 77,8 manat, Bakıda 125,9 manatdır.    

Otelləri işçi sayı iyulun əvvəli üçün illik hesablamada 5,9% artaraq 8,1 min nəfər, onların orta aylıq gəliri 469 manat olub.

 Bir sıra mütəxəssislər xarici turistlərin sayı və yerli turizmin dinamikası barədə rəsmi rəqəmlərə əsasən, bu sektorda gizli məqamların olduğunu bildirir. Yerləşdirmənin və xidmət haqqı ödənişlərinin bir hissəsi hesabata salınmır. Regionlarda belə hallar daha çoxdur.

İyulun 1-i üçün ölkədə nömrələrin sayı 16 876 vahid, birdəfəlik tutum 34731 çarpayı təşil edib. Yerlərin üçdə biri (11,8 min) Bakının payına düşür. 08D