Ötən ilin dövlət büdcəsinin icrası haqda qanun qəbul edilib
Parlamentin bugünkü iclasında ötən ilin dövlət büdcəsinin icrası haqda qanun qəbul edilib.
Maliyyə naziri Samir Şərifov bildirib ki, büdcənin gəlirləri 17 mlrd 282 mln manat (+1 mlrd 581 mln və ya 10,1%) olub. Gəlirlər hissəsi 1,4% artıq yerinə yetirilib.
Nazir büdcənin sosial yönlülüyün xüsusi vurğulayıb. Xərclər hissəsi 98,6% icra olunub və 17 mlrd 417 mln manat (+2 mlrd 19 mln manat və ya 13,1%) təşkil edib.
Əsas xərclər 7 mlrd 926 mln manat (45,5%), cari xərclər 53,3% (9 mlrd 278 mln) təşkil edib. Dövlət borcuna xidmətə 213 mln (1,2%) manat xərclənib.
Büdcə kəsiri 638 mln manat proqnoza qarşı 135 mln manat olub. --17D—
İqtisadiyyat
-
Azərbaycan 2024-2025 mövsümü üçün buğda idxalını artırmağa hazırlaşır, bu ilin yerli buğda istehsalında əhəmiyyətli azalma baş verib. Dövlət Statistika Komitəsinin məlumatlarına görə, 2024-cü ildə ölkədə 1,68 milyon ton buğda yığılıb ki, bu da əvvəlki illə müqayisədə 8,1% azalma deməkdir. Məhsul yığımındakı bu azalma və son aylarda idxal həcmlərinin artması Azərbaycanın buğda tələbatını ödəmək üçün xarici tədarükçülərə daha çox güvənəcəyini göstərir.
-
Azərbaycan Dəmir Yolları QSC (ADY) tranzit yük daşımalarının səmərəliliyini artırmaq məqsədilə konteyner daşımalarının idarə edilməsi üzrə yenidən təşkilatlandırma planlarını elan edib. Bu yenidən təşkilatın bir hissəsi olaraq, ADY Express 1 noyabr 2024-cü ildən etibarən ADY Konteyner ilə birləşdiriləcək. Bu birləşmə həm konteyner, həm də vaqon daşımalarında təklif olunan xidmətlərin spektrini genişləndirməyə yönəlib.
-
Azərbaycanda təsisçilərinin fiziki və ya hüquqi şəxs olmasından asılı olmayaraq, xarici investisiyalı hüquqi şəxslərin elektron dövlət qeydiyyatına alınmasına imkan verən qanunvericilik bazası tətbiq edilib. Bunu Dövlət Vergi Xidmətinin rəis müavini Samirə Musayeva “Biznesə daxilolma” İşçi qrupunun iclasında çıxışı zamanı deyib.
-
Dünya Bankı, Azərbaycan rəsmiləri və Dünya Bankı nümayəndələri arasında aparılan müzakirələrə əsasən, Azərbaycanın iqtisadi inkişafına yeni tərəfdaşlıq çərçivə proqramı vasitəsilə daha da dərin şəkildə cəlb olunmağı planlaşdırır. Təklif olunan çərçivə proqramı 2025-2029-cu illəri əhatə edəcək və ölkənin innovativ və daha az resurslardan asılı olan iqtisadiyyata keçidini dəstəkləmək üçün nəzərdə tutulub.
Rəy yaz