Bakıətrafı kəndlər özünü çörəklə təmin edəcək və yaxın ərazilərdə çörək satacaq.
Bu, illik istehsal gücü 123,5 min ton olan 8 çörək istehsalı müəssisəsinin tikilməsi sayəsində mümkün olacaq. Onların layihələrini Sahibkarlığa Kömək Milli Fondu təsdiq edib. Bu məqsədlə 6 mln manat ayrılıb.
Tikintisinə başlanmış "Xəzri TN" MMC belə müəssisələrdən biridir. Müasir texnologiyaların tətbiqi ilə Əhmədli qəsəbəsində gündəlik istehsal gücü 140 ton çörək istehsalı olan zavodun inşasına Fond tərəfindən ilkin mərhələdə 1 mln manat güzəştli kredit ayrılıb.
Ölkədə dövlətin güzəştli kreditləri hesabına illik istehsal gücü 156,3 min ton olan 14 çörək istehsalı müəssisəsinin maliyyələşdirilməsinə 13,1 mln manat ayrılıb.
Yeddi ayda SKMF 1546 investisiya layihəsini maliyyələşdirib. Bunun 332-si Bakı ətrafındadır. Cəmi 127,9 mln manat kredit ayrılıb. Bu kreditlər hesabına istixanalar, anbarlar, soyuducular, quşçuluq təsərrüfatları, ferma, mebel fabriki və s. tikilib.
Sahibkarlığa Kömək Milli Fondunun icraçı direktoru Şirzad Abdullayevin sözlərinə görə, bu müəssisələrdə 6400 nəfər çalışacaq.
Türkanda müvəkkil kredit təşkilatları vasitəsilə Bakı qəsəbələrində fəaliyyət göstərən 19 sahibkarlıq subyektinə 1,3 mln manat güzəştli kredit verilib. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz