![Əsgər anası: oğlumu öldürüblər](https://turan.az/resized/750/500/resize/media/2012/main/080300006787.jpg)
Əsgər anası: oğlumu öldürüblər
18 yaşlı əsgər Pərviz İsgəndərlinin anası oğlunun hərbi hissədə xidmət zamanı intihar etmədiyini iddia edir.
Əsgərin anası Kifayət İsgəndərli cümə günü Media Mərkəzdə mətbuat konfransı keçirərək, oğlunun ölümü haqqında iyulun 13-də hissə komandirinin ona xəbər verdiyini bildirib. O, zəng edərək, oğlunun hərbi hissə ərazisində özünü asdığını deyib.
Lakin anası oğlunun öldürüldüyündən əmindir. “Onu əvvəlcə vəhşicəsinə döyüblər, sonra isə öldürüblər. Oğlumun cəsədindəki cırmaq yerləri və qançırlar işgəncənin nəticəsidir”, deyə o bildirib.
Anasının sözlərinə görə, ekspertiza rəyini ona verməyiblər. Yerli sakinlər ona bildiriblər ki, hissə komandiri Qasımlı əsgərlərə qarşı sərt rəftarı ilə məşhurdur. Onların sözlərinə görə, bu hissədə əsgərlər komandirlərin obyektlərində işçi kimi işləyirlər, ərzaq məhsulları oğurlanır. Bundan başqa, komandirlər əsgərləri təhqir edir və alçaldır.
Kifayət İsgəndərli işin araşdırılması xahişi ilə müvafiq orqanlara müraciət edib. Hərbi prokurorluq araşdırmaya başlayıb, lakin hələlik araşdırmanın nəticələri bəlli deyil.
Hüquq müdafiəçisi Ələkbər Məmmədov bu iş üzrə üç əsgərin saxlanıldığını bildirib.
Turanın Hərbi Prokurorluqdan və ya Müdafiə Nazirliyindən şərh almaq cəhdləri nəticə verməyib. -16C04-
-
- İqtisadiyyat
- 3 Avqust 2012 16:48
-
- Siyasət
- 3 Avqust 2012 17:08
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz