Keçmiş konqresmen və Nümayəndələr palatasının xarici əlaqələr komitəsinin üzvü Maykl Makmaxon ABŞ Administrasiyasını İran tərəfdən təhlükə fonunda Azərbaycanı dəstəkləməyə çağırıb. Vaşinqtonun The Hill qəzetində dərc edilmiş məqalədə o yazır ki, əksəriyyət İranın və onun nüvə və raket proqramlarının ABŞ, İsrail, Avropa və ərəb ölkələri üçün təhlükəli olduğunu hesab edir. Bu, göz önündədir, amma bu zaman İranın bilavasitə qonşularına, məsələn, Azərbaycana olan təhlükə nəzərə alınmır. Bu, müasir, dünyəvi ölkədir və Şimali İranda 25 milyon etnik azərbaycanlı müasir millət həyatı yaşayan qardaşlarına baxırlar.
Azərbaycanın ABŞ və İsraillə dostluq etməsi faktı Tehranı qıcıqlandırır. Eyni zamanda. İran Azərbaycanın qatı düşməni olan Ermənistanla dostluq edir.
İran Azərbaycan ərazisində - Tehranın maliyyələşdirdiyi məscidlərdə fəal şəkildə anti-Azərbaycan təbliğatı aparır. Bütün bunları Azərbaycan vətəndaşlarını öz tərəfinə çəkmək üçün edir. İran casusları tərəfindən Azərbaycanda qərb nümayəndəliklərinə və xarici vətəndaşlara qarşı bir neçə terror aktı cəhdi olub. Eyni zamanda, İran televiziyası və radiosu sabitliyi pozmaq və döyüşçülər cəlb etmək üçün daim Azərbaycan əleyhinə təbliğat aparır.
Azərbaycan enerji təhlükəsizliyi və qlobal bazarların müxtəlifləşdirilməsi üçün getdikcə daha çox əhəmiyyət kəsb edir, belə ki, qərb bazarlarına neft və qaz nəqli üçün Rusiyadan yan keçən boru kəmərləri onun ərazisindən keçir. Gələcəkdə Xəzər regionundan enerji daşıyıcılarının nəqli artacaq.
Bundan başqa, qərb müttəfiqlərinin qoşunlarının Əfqanıstana və Pakistana daşınması üçün tranzit marşrutları hesabına da Azərbaycanın əhəmiyyəti getdikcə artır. Bu gün bu daşımaların 40%-ə qədəri Bakının beynəlxalq hava limanından keçir, deyə keçmiş konqresmen yazır.
Sonda Makmaxon qeyd edir: “Konqresdəki keçmiş həmkarlarıma bir neçə məsləhət vermək istərdim. Yadınızda saxlayın ki, Konqres İranın ABŞ-a dost olan qonşularına daha çox diqqət yetirməli və onları dəstəkləməlidir”.
* Makmaxon hazırda Nyu-Yorkda Herrik Faynşteyn hüquq firmasının işçisidir. -02D-
Siyasət
-
Ukrayna Prezidenti Vladimir Zelenski Azərbaycan xalqına başsağlığı verib
-
Ağ Ev cümə günü bildirib ki, prezident Co Bayden Qazaxıstanda AZAL təyyarəsinin qəzaya uğraması ilə bağlı vəziyyətlə və “baş verənlər barədə məlumatlandırılır”, Turan-ın müxbiri Vaşinqtondan xəbər verir.
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
Rəy yaz