Əmlak Məsələləri Dövlət Komitəsi (ƏMDK) dövlət əmlakının özəlləşdirilməsi üzrə yenu ixtisaslaşdırılmış portal (www.privatization.az) hazırlayıb.
Bu informasiya resursunda özəlləşdirməyə çıxarılacaq müəssisələr haqda ətraflı məlumat veriləcək. Hələlik portalda Daşkəsən dağ-mədən kombinatı və “Bakelektroavtomat” ASC haqqında informasiya yerləşdirilib. Gələcəkdə bu portalın köməyilə elektron hərraclar da keçiriləcək.
İyulun 26-da ƏMDK beynəlxalq konsaltinq şirkətlərinin, ictimai və xarici təşkilatların iştirakı ilə yeni resursun təqdimatını keçirib.
ƏMDK müəssisələrin özəlləşdirilməsinə hazırlıqla bağlı dövlət başçısının göstərşinin icrası ilə əlaqədar KPMG, PwC, “Ernst & Young” və “Deloitte & Touche” konsaltinq şirkətləri, ekspert və mütəxəssislərlə əməkdaşlıq edir.
“Özəlləşdirməyə çıxarılacaq müəssisələrin siyahısı hazırlanıb və təhlil edilib. Özəlləşdirmə prosesinə hazırlıq üzrə tədbirlər planı təsdiq edilib”, - ƏMDK-nin sədr müavini Rafiq Cəlilov bildirib.
Fond analitiki Cəfər İbrahimov təcrübəyə, lazımi infrastruktura və kadr potensialına malik Bakı Fond Birjasının özəlləşdirmə prosesində iştirakı məqsədəuyğun hesab edir. Fond həmçinin özəlləşdirmə prosesində yüksək şəffaflığı, əhatəliliyi və ən başlıcası investorların etimadını təmin edəcək.08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz