![Pambığın hər kiloqramına görə 10 qəpik subsidiya veriləcək](https://turan.az/resized/media/2016/main/092300169459-750-500-resize.webp)
Pambığın hər kiloqramına görə 10 qəpik subsidiya veriləcək
Bakı/23.09.16/Turan: Prezident İlham Əliyev pambıqçılığın inkişafına dövlət dəstəyi haqda sərəncam imzalayıb. Sərəncama görə, emal müəssisələrinə satılmış hər kiloqram xam pambığa görə pambıq istehsalçılarına 0,1 manat subsidiya nəzərdə tutulur.
Sənəddə qeyd olunur ki, bu, pambıqçılığın inkişafına dövlət dəstəyinin gücləndirilməsi, pambıq istehsalına əhalinin marağının artırılması və sosial rifahının daha da yaxşılaşdırılması məqsədi ilə edilir.
Subsidiya 2016-cı ildə istehsal olunan və emal müəssisələrinə satılmış xam pambığa da şamil edilir.
Nazirlər Kabinetinə tapşırılıb ki, hər kiloqram xam pambığa görə pambıq istehsalçılarına subsidiyanın verilmə qaydasını 15 gün müddətində müəyyən etsin.
2015-ci ildən pambıq istehsalçıları pambıq əkilmiş hər hektar torpağa görə 40 manat alırlar. Ümumilikdə subsidiyanın həcmi 90 manat/ha təşkil edir. --08D--
-
- İqtisadiyyat
- 23 Sentyabr 2016 10:48
-
- İqtisadiyyat
- 23 Sentyabr 2016 10:58
İqtisadiyyat
-
Azərbaycan Yerüstü Nəqliyyatı Agentliyinin (AYNA) və Rəqəmsal İnkişaf və Nəqliyyat Nazirliyinin nümayəndələrinin iştirakı ilə qanunvericiliyin təkmilləşdirilməsi ilə bağlı keçirilən brifinqdə Azərbaycanın yerüstü nəqliyyatı sektorunda strateji planlaşdırma sahəsində zəif cəhətlər müəyyən edilib.
-
Azərbaycan Respublikasının Nazirlər Kabineti “Tikinti sənədlərinin təsdiqi və tikinti xidmətlərinə görə haqların məbləği ilə bağlı qüvvədə olan Əsasnamə”də dəyişiklik edib. Dəyişikliklər Azərbaycan Konstitusiyasının 119-cu maddəsini rəhbər tutur və tikintiyə icazə və istismarla bağlı proseslərin sadələşdirilməsinə yönəlib.
-
Azərbaycan Respublikasının Nazirlər Kabineti dövlət səhiyyə sisteminə daxil olan tibb müəssisələrinə tibb işçilərinin işə qəbulunun yeni qaydasını təsdiq edib. 2025-ci il yanvarın 1-dən qüvvəyə minən qərar ölkədə icbari tibbi sığortanın tətbiqini gücləndirmək məqsədi daşıyır.
-
Türk Dövlətləri Təşkilatı (TDT) kənd təsərrüfatı məhsulları üçün “OTS Made” brendini təqdim etmək üçün bu yaxınlarda kənd təsərrüfatı paytaxtı adlandırılan Qubada toplantı keçirib.
Rəy yaz