Pambıqçılığa maraq artacaqmı?

İqtisadiyyat naziri Şahin Mustafayevin fiikrincə, pambıqçılıq prioritet sahələrdəndir. O, bu gün “Kənd təsərrüfatının perspektiv sahələrinin inkişafı üzrə Türkiyə-Azərbaycan təcrübəsi” mövzusunda konfransda deyib ki, hökumət güzəştli kredit və qiymtin formalaşmasında iştirak yolu ilə Azərbaycanda pambıqçılığın inkişafına əlavə dəstək göstərməyə hazırdır.

«Pambıq alan şirkətlər dünyadakı qiymətləri və devalvasiyanı nəzərə almalıdır. Kəndlilərə məqbul qiymət təklif edilməsi üçün danışıqlar aparırıq. İstehsalçıların maliyyəyə çıxışı yaxşılaşdırılmalıdır», - deyə o bildirib.

Xatırladaq ki, pambıqçılıq çox inhisarlaşdırılmış sahələrdəndir. «CTS-AQRO» MMC-nin çoxlu əkin sahələri, Şirvan, Saatlı, Ağcabədi, Bərdə və Biləsuvarda emal zavodu var.  7 rayonda iri tədarük məntəqəsi var. Bundan baqşa, hazır məhsul istehsalçıları olan «Səki İpək» və «İnter-Tekstil» ASC-nin əsas tərəfdaşıdır.

Ötən ilin avqustunda ABB işi üzrə deyilən MMC-nin rəhbəri Cavid Muxtarov və daha iki məsul şəxs həbs ediləndən sonra tədarükçülər pullarını ala bilməyib. Ona görə bu il pambıq yığımı artmayacaq. Hərçənd «CTS-AQRO»nun yeni rəhbərliyi bəyan edib ki, ən azı 12 min ha sahədə pambıq əkiləcək. Bu, onunla bağlıdır ki, satınalma qiyməti əkinçilərin xərclərini ödəmir. Onlar 1 ton pambığı 420 manata ($265), II növü 400 manata, III növü  380, IV növü 360 manata alırlar. Halbuki məhsulun birja qiyməti $1367-dır. 

Daha bir səbəb məhsul yığımı üçün texnika çatışmazlığıdır. Ötən il fermerlərə 1 ha əkin sahəsi üçün 250 manat ayrılıb. Amma ABB-nin problemləri ilə bağlı onun  müştərisi olan «CTS-AQRO» bu vəsaiti ala bilməyib. --17D—