İTS nə vaxt tətbiq ediləcək?

Maliyyə naziri Samir Şərifov yenidən icbari tibbi sığorta məsələsinə qayıdıb. Onun sözlərinə görə, İTS-ə keçmək üçün ciddi hazırlıq lazımdır.

Hökumət bu il müvafiq sxem hazırlamaq üçün xarici texniki yardım cəlb etmək istəyir. Onun əsasında regionların birində pilot layihə həyata keçiriləcək. Qeyd edək ki, müvafiq qanun 1995-ci ildə qəbul edilib. 2008-ci ildə müvafiq fərmanla Nazirlər Kabineti yanında İTS üzrə agentlik yaradılıb. Hər il bu layihə üçün büdcədən vəsait ayrılır. Amma sistem hələ işləmir.

Ekspertlərə görə, yerli maddi-texniki baza böhran şəraitində də İTS tətbiqinə imkan verir, amma səhiyyədə korrupsiya sxeminin qalmasına maraqlı olan məmurlar buna mane olur. Ekspertlərə görə, bu sxem 2018-ci ildən tez işləməyəcək.

İTS layihəsinə əsasən, Səhiyyə Nazirliyinə ayrılan vəsaitin böyük hissəsi müalicə pulu üçün polislərə ayrılacaq. Vətəndaşlar yaxşı tibb müəssisələrinə gedəcək. Bunun üçün maaş və gəlirlədən müəyyən məbləğ tutulacaq (layihəyə əsasən, əmək qabiliyyətlilərdən 5-10, işverənlərdən 10-12 manat). Əmək qabiliyyətli olmayan əhalidən İTS üçün vəsait tutulmayacaq. --17D—