Milli Məclis bu gün plenar iclasında Dövlət Sosial Müdafiə Fondunun gələn il üçün büdcəsini təsdiq edib. Turan əvvəllər bildirmişdi ki, büdcə 2 mlrd 632,695 mln manat (indiki büdcə ilə müqayisədə +180 mln) nəzərdə tutulub.
DSMF rəhbəri Səlim Müslümovun sözlərinə görə, müzakirələr zamanı deputatlar bir sıra dəyişikliklər edib.
Belə ki, icbari sosial sığorta ayırmaları üzrə mədaxil 1 mlrd 550 mln 161,4 min manat (özəl sektor 860 mln manat) olmalıdır.
Dövlət büdcəsindən transfert 1 mlrd 077 mln 33,6 min manat, başqa gəlirlər 5,5 mln manat təşkil edəcək.
Xərclər hissəsində şaxələnmə çoxdur. Xərclərin 97,6%-i (2 mlrd 570,271 mln manat) əhaliyə ödənişlərdir. Pensiyalara 2 mlrd 500,291 mln manat, sosial müavinətlər üçün 69,98 mln manat ayrılıb.
Mərkəzi aparat və fondun yerli orqanlarının saxlanmasına 23,2 mln manat ayrılacaq, bunun 19,7 mln-u bank xidməti üçündür.
Müslümov deyib ki, deputatların təklifi ilə Şirvan şəhəri və Neftçalanın bir kəndində pensiyaçılar üçün bankomat qoyulub. Gələn ilin ortalarında Tovuzda da bankomat quraşdırılacaq. --17D-
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz