İyulun 30-da ölkənin aparıcı banklarından biri olan Paşa Bankın nizamnamə kapitalının 50 mln. manat və ya təxminən 30% həcmində artması qeydə alınıb.
Bankdan verilən məlumata görə, əvvəl 178 mln. manat təşkil edən nizamnamə kapitalının artırılması səhmlərin nominal dəyərinin artırılması yolu ilə həyata keçirilib.
Beləliklə, Bankın nizamnamə kapitalı 228 mln manata çatıb və o, Azərbaycanın ən kapitallaşdırılmış özəl bankına çevirilib.
"Paşa Bank" ASC 2007-ci ilin iyun ayında yaradılıb və Azərbaycan Mərkəzi Bankının 2007-ci il 28 noyabr tarixli №250 lisenziyası əsasında fəaliyyət göstərir. Bankın əsas məqsədi – korporativ müştərilərə xidmət siqmentində liderliyi möhkəmləndirmək, prioritet istiqamətlər, müəyyən strategiyalar üzrə keyfiyyətli biznes artımı, həmçinin uzunmüddətli və etibarlı münasibətlərin yaradılması və daimi inkişafıdır. Hazırda bankda 207 nəfər çalışır. "EuropeBankingAwards 2011" və "EuropeBankingAwards 2012" çərçivəsində "Azərbaycanın ən yaxşı investisiya bankı” elan edilib. Paşa Bank Azərbaycanın iri investisiya holdinqi olan və sığorta, inşaat, inşaat materiallarının istehsalı, turizm və eləcə də biznesin sair istiqamətlərində də geniş təmsil olunan Paşa şirkətlər qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da Paşa şirkətlər qrupuna daxildir. —15D--
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz