Azərbaycanda 82 nəfərə avtomatlaşdırılmış qaydada pensiya təyin edilib.
Dövlət Sosial Müdafiə Fondunun (DSMF) məlumatına görə, bunun üçün “190-0 Cağrı Mərkəzi” nə zəng edərək, şəxsiyyət vəsiqəsinin nömrəsi barədə məlumat vermək kifayətdir.
31 iyul 2013-cü il tarixə olan statistikaya əsasən, ötən ayın 20 günü ərzində DSMF-nin “190-0 Cağrı Mərkəzi”nə 401 müraciət daxil olub. Müraciət edən vətəndaşlardan 82 nəfərinə avtomatlaşdırılmış qaydada pensiya təyinatı aparılıb. Onların 31-i Bakı, 51-i rayon sakinləridir. Avtomatlaşdırılımış qaydada əmək pensiyası təyinatı aparılan hər vətəndaşa bir neçə dəqiqə ərzində ona təyin olunan pensiyanın məbləği, eyni zamanda öz plastik pensiya kartını ala biləcəyi müvəkkil bankın filialının (şöbəsinin) ünvanı bildirilib.
Digər müracət edən 319 nəfərin əksəriyyəti 01.01.2006-cı ilədək əmək (sosial sığorta) stajları barədə məlumatları Fondun orqanlarına təqdim etməmələri səbəbindən onlara avtomatlaşdırılmış qaydada pensiya təyin etmək mümkün olmayıb. DSMF bir daha vətəndaşlardan özlərinin 01.01.2006-cı ilədək əmək (sosial sığorta) stajları barədə məlumatları Fondun orqanlarına təqdim etmələrini xahiş edir.
Azərbaycanda avtomatlaşdırılmış pensiya təyinatı sığorta-pensiya sisteminin inkişafına dair Dövlət Proqramı çərçivəsində 1 iyul 2013-cü ildən başlayıb. --17D—
İqtisadiyyat
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
-
Bakı Şəhər Statistika İdarəsinin məlumatına görə, Azərbaycanın paytaxtı Bakı şəhərində pərakəndə ticarət dövriyyəsi 2024-cü ilin yanvar-noyabr ayları arasında ötən ilin müvafiq dövrü ilə müqayisədə 5% artaraq 31,6 milyard manata çatıb. Bu artım, iqtisadiyyatın davamlı bərpasını və daha geniş bazar sabitliyi fonunda istehlakçı inamını əks etdirir.
Rəy yaz