Paşa Bank ödəniş kartları ilə bağlı saxtakarlığın qarşısını almaq üçün yeni sistem seçib

Tieto şirkəti Paşa Banka ödəniş kartları ilə bağlı saxtakarlığın qarşısını almaq üçün sistem təklif edib. 

Bankdan verilən məlumata görə, Paşa Bank b sistemin köməyi ilə PAŞA Bank saxtakarlığın qarşısını almaqla və saxtakarlıq hallarını aşkara çıxarmaqla, öz müştəriləri üçün təhlükəsizliyi və sabitliyi daha da gücləndirtmək niyyətindədir. “Anlayırıq ki, Paşa Bankın qazanmaq niyyətində olduğu müştəri qrupu fərdi yanaşma və maliyyə vəsaitlərinin daha yüksək səviyyədə qorunmasını tələb edir. “Tieto” şirkətinin inkişaf etdirdiyi yeni sistemin köməyi ilə indi biz kartlarımızın sahiblərini daha yüksək səviyyəli təhlükəsizliklə təmin etməyə və kartlarla bağlı saxtakarlıq hallarını minimuma endirməyə qadirik” – deyə Paşa Bankın Dayrekt Bankinq Departamentinin Direktoru Leyla Məmmədova bildirib.

“Tieto”nun “Card Suite Fraud Management” sistemi saxtakarlıq hallarının monitorinqi üçün mütərəqqi bir instrumentdir. Sistem iki əsas hissədən ibarətdir: bunlardan biri ödəniş kartlarında saxtakarlığın qarşısının alınması və saxtakarlığa məruz qalmış əməliyyatların aşkara çıxarılmasını və təhlilini təmin edir, digəri isə saxtakarlıq hallarının qarşısının real zamanda alınmasını təmin edir ki, bu da saxtakarlıq hallarını baş verməzdən əvvəl qarşısını alır.  

Paşa Bank TietoCardSuite platforması ilə 2009-cu ildən işləyir. Bank daha da inkişaf etdikcə və yeni müştərilərin sayı artdıqca məqsədyönlü və daha təkmil alətə olan tələbat artıb. 

Paşa Bank Azərbaycanın aparıcı korporativ bankıdır. 2007-ci ildə təsis olunmuş Bank  geniş spektrli korporativ bank xidmətlərini göstərir, kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri ilə məşğuldur.

Baş ofis və dörd filialı olan Paşa Bankda 207 əməkdaş çalışır. "Europe Banking Avards 2011" çərçivəsində Bank "Azərbaycanın ən yaxşı İnvestisiya Bankı" elan olunub. Paşa Bank Azərbaycanın iri investisiya holdinqi olan və sığorta, inşaat, inşaat materiallarının istehsalı, turizm və eləcə də biznesin sair istiqamətlərində də geniş təmsil olunan Paşa şirkətlər qrupunun bir hissəsidir. Azərbaycanın pərakəndə bankçılıq bazarının iri banklarından biri olan Kapital Bank da Paşa şirkətlər qrupuna daxildir. 15D--