"Paşa Həyat Sığorta" şirkəti ötən il 2 dəfə güclənib.
Şirkətin mətbuat xidməti (http://www.pasha-life.az/xeberler/9/302.html) məlumat verir ki, 2011-ci il ilə müqayisədə 79,6% artım var və 14 mln 696,54 min manat mükafat yığılıb.
Turan əvvəllər yazmışdı ki, bu, şirkətlər arasında ilk onluğa düşməyə (9-cu yeri tutub seqmentin lideri "Atəşgah Həyat Sığorta"ya (15,76 mln manat) yaxınlaşmağa) imkan verib. Şirkətin bazarda payı 4,3%, rəqibininki 4,6%-dir. Həyat sığortasında payı 40%-dir.
«Paşa Həyat Sığorta» 2011-ci ilin fevralında faktik fəaliyyətə başlayıb.
Təsisçisi «Pasha Holding» kommersiya strukturu, nizamnamə kapitalı 15 mln 50 min manatdır.
2012-ci ildə ödənişləri 359,65 min manat olub. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz