“PASHA Bank” ASC ölkə boyunca MilliÖN ödəniş sistemi terminalları vasitəsilə kreditlərin ödənilməsi, cari hesabın və kartların (əmək haqları üzrə layihələr çərçivəsində emitasiya olunmuş kartlar istisna olmaqla) artırılması üzrə xidmətlər tətbiq edib.
İctimaiyyətlə əlaqələr şöbəsinin məlumatında deyilir ki, müştərilər bank şöbələrinə getmədən ödənişləri həyata keçirə biləcəklər. Əgər ödəniş iş günü həyata keçirilirsə vəsaitlərin daxil olması həmin an baş verir, qeyri-iş günü həyata keçirilirsə növbəti iş günü. Terminallar vasitəsilə ödənişləri həm yerli, həm də xarici valyuta (USD, EUR, RUR) ilə etmək olar. --17D—
İqtisadiyyat
-
2024-cü ilin yanvar-noyabr dövründə Azərbaycanın neft və qazla əlaqəli olmayan ixracı 2023-cü ilin eyni dövrü ilə müqayisədə 1,9% artaraq 3,1 milyard ABŞ dolları dəyərində olub. Bu artım İqtisadi İslahatların Təhlili və Kommunikasiyası Mərkəzi tərəfindən dərc edilmiş son "İxrac İcmalı"nda qeyd olunub və ölkənin müxtəlifləşən və genişlənən ixrac portfelini əks etdirir.
-
Nağdsız ödənişlərin təşviqinə doğru əhəmiyyətli bir addım ataraq, Azərbaycan “ƏDV Geri Al” adlı innovativ proqramını əmlak alqı-satqısını da əhatə edəcək şəkildə genişləndirib. 2024-cü ilin yanvar-noyabr ayları ərzində vətəndaşlar bu proqram çərçivəsində 160,3 milyon manat məbləğində vəsaiti geri alıblar ki, bu da hökumətin rəqəmsal ödənişləri inkişaf etdirmək və istehlakçı üstünlüklərini artırmaq səylərinin əhəmiyyətli bir göstəricisidir.
-
Azərbaycanda bazarlarda işləyən sahibkarlardan vergi uçotunda olmaları tələb ediləcək. Əks təqdirdə, hər bir uçotsuz sahibkar üçün bazar mülkiyyətçilərinə və ya idarəçilərinə 2 min manat maliyyə sanksiyası tətbiq ediləcək. Bu, Milli Məclisin müzakirəsinə çıxarılacaq Vergi Məcəlləsinə dəyişiklik layihəsində əksini tapıb.
-
Azərbaycan hökuməti, 2030-cu ilə qədər xarici borcun həcmini ölkənin 10 milyard dollar məbləğindəki borc tavanı çərçivəsində artırmağı mümkün hesab edir, hökumətdəki məlumatlı mənbə Turana bildirib.
Rəy yaz