Açiq mənbələrdən foto.
Bakı/11.09.23/Turan: Azərbaycanın Qida Təhlükəsizliyi Agentliyi (AQTA) avqustda 40 sahibkarlıq subyektinə qida təhlükəsizliyini qeydiyyata almaqdan imtina edib. Onların arasında “Mars Overseas Baku Ltd” MMC - Azərbaycanda "Pepsi" sərinləşdirici içkilərin lisenziyalı istehsalçısı da var.
Agentliyin məlumatında https://afsa.gov.az/storage/pages/7222/2023-cu-ilin-avqust-ayi-uzre-qida-tehlukesizliyi-qeydiyyatina-alinma-ve-qeydiyyatdan-imtina-hallari-ile-bagli-melumat.pdf, qeyd edilir ki, şirkətə qablaşdırma fəaliyyətini həyata keçirmək üçün icazə verilməyib. Səbəb isə sanitar norma və qaydalara əməl edilməməsidir.
“Mars Overseas Baku Ltd” MMC https://marsoverseas.az/ru/o-nas/ 1999-cu ildən Bakıda fəaliyyət göstərir. Şirkətin əsas fəaliyyət istiqamətləri meyvə şirələrinin, qazlı və qazsız içkilərin, kompotların və qəlyanaltıların istehsalı və satışıdır. İstehsal prosesi Bakı ilə yanaşı, Qəbələ, Lənkəran və Quba konserv zavodlarında da həyata keçirilir.
"Turan" xəbər agentliyi AQTA-nın qərarı ilə bağlı "Mars Overseas"dan açıqlama ala bilməyib. 08B
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz