Peterburq Beynəlxalq İqtisadi Forum çərçivəsində Azərbaycanda qaz-kimya kompleksinin inşası və maliyyələşdirilməsinə dair memorandum imzalanıb

İyunun 17-də  Peterburq Beynəlxalq İqtisadi Forum çərçivəsində Rusiyanın “Qazprom” şirkəti,  İtaliyanın SACE ixrac kredit agentliyi, Rusiyanın EKSAP ixrac kredit agentliyi və SOCAR “Azərbaycanda qaz-kimya kompleksinin inşası və maliyyələşdirilməsi üzrə qarşılıqlı anlaşma memorandumu” imzalayıblar.

Təntənəli  imzalanma mərasimi Rusiya prezidenti Vladimir Putin və İtaliyanın baş naziri Matteo Rensinin iştirakı ilə keçirilib.

Memorandum Azərbaycanda böyük  neft-kimya kompleksinin inşasını nəzərdə tutur. Bura qaz emalı və qaz-kimya zavodu da daxildir.

İlkin hesablamalara görə, layihənin ümumi investisiya dəyəri 3,5 mlrd. ABŞ dolları təşkil edir.

“Qazprombank” qrupu SOCAR ilə birlikdə Azərbaycanda bir neçə iri layihə həyata keçirir. Bu qarşılqlı faydalı əməkdaşlıq qrupun maliyyə və texnoloji imkalarının birləşdirilməsinə uğurlu nümunədir”, - “Qazprombank”ın İdarə Heyətinin sədri Andrey Akimov bildirib.

EKSAP Direktorlar Şurasının rəhbəri Pyotr Fradkov RİA Novosti-yə bildirib ki, bu layihənin reallaşması həm İtaliyadan, həm də Rusiyadan avadanlıq gətirilməsini nəzərdə tutur. “Biz SACE ilə əməkdaşlıq şəraitində bu layihənin reallaşması zamanı riskləri sığorta edirik və müvafiq olaraq Rusiyanın “Qazprombank”ından maliyyələşmə cəlb edirik”,- o açıqlama verib. —0—

Rəy yaz

İqtisadiyyat

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti