![Petkim limanının idarə edilməsi üzrə investisiya sazişi imzalanıb](https://turan.az/resized/750/500/resize/media/2013/main/032700032397.jpg)
Petkim limanının idarə edilməsi üzrə investisiya sazişi imzalanıb
Petkim neft-kimya kompleksi və Niderlandın APM Terminals şirkəti martın 22-də investisiya sazişi imzalayıb. APM Terminals A.P. Moller-Maersk Group Danimarka şirkətinə məxsusdur. Bu barədə ARDNŞ mətbuat xidməti məlumat verir. Mərasimdə Danimarka baş naziri Helle Torninq-Şmidt və Rəcəb Tayyib Ərdoğan iştirak edib.
Sazişə əsasən, Niderland şirkəti uzun müddət Petkim konteyner limanına xidmət edəcək. SOCAR Turkey Enerji rəhbəri, Petkim İH üzvü Kənan Yavuzun sözlərinə görə, bu saziş limanda konteyner əməliyyatlarının ilk addımıdır.
"Petkim konteyner limanının ilkin gücü 1,5 mln iyirmi fut ekvivalentidir (TEU), bu həcm 4 mln TEU-ya çatdırıla bilər. Beləliklə, Petkim limanı Egey regionunda ən iri inteqrasiya edilmiş liman olacaq", - deyə Yavuz bildirib.
Limanın tikintisinə 300 mln qoyulacaq. Petlim Limancılık A.Ş (100% təsisçisi Petkim holdinqdir) investisiya prosesinin ilk mərhələsini 2015-ci ildə başa çatdıracaq. Bu vaxt liman istismara veriləcək. İnvestisiya prosesinin ikinci mərhələsi 2016-cı ildə başa çatacaq.
APM Terminals şirkəti limanı 28 il idarə edəcək. Əvvəllər SOCAR Turkey Enerji A.Ş və SOCAR International DMCC OGG Petkim-in 10,32% səhmlərini alıb, sonradan payını 61,32%-ə çatdırıb.
Petkim Petrokimya Holding plastik qablaşdırma, parça, yuyucu vasitələr və s. istehsal edir. Bu sahə üzrə ölkədə yeganə istehsalçıdır və məhsulun dörddə biri ixracata gedir. --12D--
-
- Söz istəyirəm
- 27 Mart 2013 13:14
-
- Siyasət
- 27 Mart 2013 13:38
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz