Pirallahı Sənaye Parkında yeni əczaçılıq zavodunun - "Caspian Pharmed" müəssisəsinin təməli qoyulub.
Turan-ın məlumatına görə, “Azərsun Holdinq”lə İranın "TPİCO Holding" şirkəti arasında saziş iqtisadiyyat naziri Şahin Mustafayev və İranın Kooperasiya, əmək və sosial rifah naziri Əli Rəbiinin iştirakı ilə imzalanıb.
İlkin kapital qoyuluşu 20,6 mln dollar olan birgə müəssisədə "Azərbaycan İnvestisiya Şirkəti" ASC 25%, “Azərsun Holdinq” 26%, İranın “TPİCO” şirkəti isə 49% iştirak payına malikdir.
İlkin mərhələdə zavodda 84 çeşiddə dərman vasitəsi istehsal olunacaq. Zavodun illik istehsal gücü birinci mərhələdə 201 mln ədəd həb və kapsul təşkil edəcək.
Zavodda 90 iş yeri olacaq.
Qeyd edək ki, 2 noyabr 2016-cı ildə Pirallahı Sənaye Parkında Azərbaycan-Rusiya birgə müəssisəsi olan "Hayat Pharm" əczaçılıq zavodunun təməli qoyulub. 71D
İqtisadiyyat
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
-
Azərbaycan Dəmir Yolları QSC (ADY) 2025-ci ilin yanvar ayında 713,699 sərnişin daşıyıb ki, bu da ötən ilin eyni dövrü ilə müqayisədə 15% artım deməkdir, şirkət çərşənbə axşamı bildirib.
-
Ötən həftə Azərbaycan mediası pərakəndə çörək qiymətlərinin artacağı barədə məlumat yayıb, bu artımı məhsulun çəkisinin artmasına bağlayıb. Növbəti gün rəsmi bildirişdə hökumətin ölkədə çörək qiymət artımını sanksiyalaşdırmaq niyyətində olmadığı təsdiqlənib. Lakin, bu əsas qida məhsulunun qiymətinin artmasının başqa bir səbəbi ilə təhdid qalır.
-
S&P Global Ratings Azərbaycanın bank sektorunun risk qiymətləndirməsini yenidən nəzərdən keçirərək, proqnozu "sabit"dən "müsbət"ə yüksəldib.
Rəy yaz