İqtisadiyyat və Sənaye Nazirliyinin saytında bildirilir ki, Antiinhisar Siyasəti və İstehlakçıların Hüquqlarının Müdafiəsi Dövlət Xidməti növbəti düzgün markalanmamış pivə istehsalı faktı aşkarlayıb.
İSN bildirir ki, Salyan rayonunda fəaliyyət göstərən "Salyan Qida Məhsulları" İKŞ-nə məxsus istehsalat sahəsində aparılan yoxlama zamanı markalanmasında düzgün olmayan məlumatlar verilməklə və digər bazar subyektinə məxsus əmtəə nişanından qanunsuz istifadə etməklə haqsız rəqabətə səbəb olan pivələrin istehsal olunduğu müəyyən edilib.
Həmçinin müəssisədə pivə istehsalının reseptura və texnoloji təlimat olmadan həyata keçirildiyi, sənədli şəkildə təsdiqlənmədiyi halda istehsal olunan pivələrin qablarının arxa tərəfindəki məlumatlarda ən yüksək keyfiyyətli pivə çeşidlərindən biri olması barədə qeyri-dəqiq reklamın verildiyi aşkar olunub.
Yol verilən qanun pozuntusu ilə əlaqədar Dövlət Xidməti antiinhisar qanunvericiliyinin tələblərinin pozulması əlamətləri üzrə iş qaldırılıb. Analoji qərar dünən "Yevlax-Qida" MMC barədə çıxarılıb.
Pivə mövsümü mayda başlayır. Amma Dövlət Xidməti tədbirlərə avqustda başlayıb. Bunun isə səmərəsi az olacaq. Həmçinin adətən, kiçik və orta sahibkarlar hədəfə alınır, inhisarçılara qarşı heç vaxt tədbirlər görülmür. –17D—
İqtisadiyyat
-
Azərbaycan Turizm Agentliyi, yaxınlaşan COP29 iqlim sammitində iştirak edəcək beynəlxalq qonaqları yerləşdirmək məqsədilə Bakı, Sumqayıt və Abşeron rayonlarında 300-dən çox otel və yaşayış yerini yoxlayıb. Bu yerlərdən təxminən 220-si artıq rəsmi ulduz reytinqi alıb, onlardan 10-u beş ulduz, 20-si dörd ulduz, qalanları isə müxtəlif ulduz reytinqlərinə malikdir.
-
Artıq bir neçə aydır Azərbaycanda pensiya və sosial ödənişlərin verilməsində gecikmələr olduğu bildirilir. Pensiyaçıların sözlərinə görə, gecikmələr üç-beş gün çərçivəsində olur. Məsələn, onlar vurğulayırlar ki, əlilliyə görə təqaüd ilin əvvəlində hər ayın 15-də ödənilirdisə, artıq üç aydır ki, ayın 20-si və ya 21-i ödənilir.
-
Azərbaycanın tütün ixracından əldə etdiyi gəlirlər 2024-cü ilin ilk səkkiz ayında 15,6 milyon dollara çataraq ötən ilin eyni dövründəki 3,2 milyon dollardan təxminən beş dəfə artıb. Bu kəskin artım, Azərbaycanın tütün məhsullarına beynəlxalq tələbatın genişlənməsini vurğulayır.
-
Dövlət Statistika Komitəsinin məlumatına görə, Azərbaycan bu ilin ilk doqquz ayında 11,100 ton çay idxal edib ki, bu da fiziki həcmdə 14.4%, dəyər baxımından isə 13.9% artım deməkdir. Eyni zamanda, ölkə cəmi 500 ton çay ixrac edib və bu, 4.8 milyon ABŞ dolları dəyərində olub ki, bu da Azərbaycanın daxili tələbatının 98%-ni qarşılayan idxal çayına olan güclü asılılığını vurğulayır.
Rəy yaz