Pivə satışının azalması inflyasiya ilə bağlıdır

Carlsberg Group şirkətinin yerli təmsilçisi və Azərbaycanın pivə bazarında 75 faiz bazar payına malik "Baltika-Bakı" I rübdə pivə satışını ötən ilin eyni dövrünə nisbətən 35% azaldıb.

Şirkətin məlumatına görə, bu ilk növbədə Cinayət Məcəlləsinə daxil edilmiş 1 yanvar 2016-cı il tarixindən aksiz markası ilə markalanan malların nağd satışını qadağan edən düzəlişlərin qüvvəyə minməsi ilə əlaqədardır. Vergilər Nazirliyinin qərarına görə, qanunun qüvvəsi 12 yanvar tarixindən etibarən müvəqqəti olaraq dayandırlıb. Buna baxmayaraq, məhsulun satış zənciri yalnız fevral ayının sonunda bərpa olunub, bu da şirkətin rüblük nəticələrinə öz təsirini göstərib: birinci rübün yekun nəticələrinə görə "Baltika-Bakı" şirkətinin birinci dərəcəli tədarüklərinin həcmi keçən ilin analoji dövrü ilə müqayisədə 27.9 faiz azalıb. Beləliklə, yalnız mart ayında tədarük həcmi 6.8 faiz çoxalıb.

Bu artıma şirkətin "Xırdalan" brendinin milli Novruz bayramına həsr edilmiş seriyasının buraxılması səbəb olub. "Xırdalan" brendi həmçinin Avro 2016-nın rəsmi sponsorudur və mayın əvvəlində ilin ən əsas futbol turnirinə həsr edilmiş xüsusi pivə seriyasını buraxıb.

Birinci rübdə pivə sahəsinə və tələbatına 2015-ci ilin sonunda baş vermiş milli valyutanın devalvasiyası səciyyələnmiş makroiqtisadi vəziyyət təsir göstərib. İstehlak qiymətlərinin inflyasiyası əhalinin alıcı qabiliyyətini aşağı salıb, istehlakçılar alış-veriş sayını azaldaraq və yaxud ondan tamamilə imtina edərək qənaət etməyə çalışır.

Bundan başqa, hər bir biznes strukturunda olduğu kimi, "Baltika-Bakı" istehsalatının rentabelliyi sadəcə birbaşa olaraq makro-iqtisadi vəziyyətdən deyil, eləcə də sahənin məntiqli idarə olunmasından asılıdır. Bu məqamda şirkət üçün əsas rolu aksizin həcmi, eləcə də satış və reklam üzərində məhdudiyyətlərin minimum sayda olması əhəmiyyət təşkil edir.

Şirkətin məlumatına görə, dövlət biznes fəaliyyətini asanlaşdırmaqla əlverişli biznes mühitinin təşkil edilməsinə və qeyri-xammal sektorunun inkişafına xüsusi diqqət yetirir. Məsələn, biznes yoxlamaları, pivə istehsalı sahəsi daxil olmaqla fəaliyyət növü üzrə lisenziyalaşdırmalar ləğv edilib. Bundan əlavə, qanuna pivənin son istehlakçıya nağd hesablaşma ilə satışını mümkün edən düzəliş edilib.

Biznes müəssisələri və dövlət arasında mütəmadi dialoqun möhkəmləndirilməsi şirkətlərin fəaliyyəti və inkişafı üçün optimal şəraitin təmin edilməsi üçün zəmin yaradacaq. Nəticə etibarı ilə dövlət qeyri-neft sektorunun artan vergi tutulmalarından daha çox xeyir əldə edir. "Baltika-Bakı" öz növbəsində Azərbaycandakı biznesi inkişaf etdirməyə davam edir və yüksək keyfiyyətli məhsulun istehsalı üçün ən üstün pivə bişirmə praktikalarını tətbiq edir.

"Baltika-Bakı" şirkətinin məlumatına görə, fəaliyyəti dövründə zavodun inkişafına yatırılan ümumi məbləğ 47 milyon manatdır. İl üzrə planlaşdırılmış investisiyalar məhsulun keyfiyyətinin və standartların qaldırılmasına yönəldilib.

I rübdə xammalın və hazır məhsulun daha keyfiyyətli mikrobioloji analizlərini mümkün edən laboratoriya avadanlığının satın alınması layihəsi həyata keçirilib, o cümlədən istehsal obyektlərinin mövsümə hazırlığı aparılıb.

Bundan əlavə, böyük həcmdə investisiya enerji effektivliyi layihələrinə və iş yerində təhlükəsizliyin gücləndirilməsinə sərf ediləcək.

"Baltika-Bakı" pivə istehsalı zavodu Xırdalan şəhərində yerləşir. Carlsberg Qrupunun tərkib hissəsi olan "Baltika" şirkəti zavodu 2008-ci ildə alıb, 2009-cu ilin mayında yenidənqurma işlərindən sonra istifadəyə verib.

Zavodun istehsal gücü ildə 10 milyon dekalitr təşkil edir. Şirkətdə təqribən 250 əməkdaş çalışır və təxminən 400 nəfər (distribyutor, agentliklər və podradçılar) işə cəlb olunub. Şirkətin büdcəyə illik vergi köçürmələri 20 milyon manatdır.

Şirkət Xırdalan®, Tuborg®, Балтика 7®, Балтика 0®, Балтика 9®, Xırdalan Draft®, Kuler®, Əfsanə®, “Jiquli” ®, 33 Export kimi populyar pivə brendləri istehsal edir. --17D—