Azərbaycan SME polisy index-in vacib parametrləri üzrə sonuncu yeri tutur

İqtisadi Əməkdaşlıq və İnkişaf Təşkilatı (OECD) Şərq Tərəfdaşlığı ölkələrində kiçik və orta sahibkarlıq sahəsində hökumət siyasəti ilə bağlı hesabat və xüsusi indeksi (SME polisy index) açıqlayıb.

Bu il Azərbaycan SME polisy index-in iki əsas parametri üzrə sonuncu yeri tutub (http://goo.gl/z8Zr6w).

OECD ekspertləri hesab edir ki, hökumət rəqabətsiz və qapalı dövlət satınalmalarına yox, açıq tenderlərə üstünlük verməlidir. Bu satınalmalar kiçik və orta sahibkarlıq üçün bərabər imkanlar təmin etməlidir. Bu parameter üzrə Gürcüstan 4,06 balla 1-ci, Azərbaycan 2,42 balla sonuncu - 6-cı yerdədir.

Maliyyə resurslarına əlçatanlığıa görə yenə Gürcüstan 3.76 balla birinci, Azərbaycan sonuncu yerdə qərarlaşıb.

İqtisadçı Rövşən Ağayevin fikrincə, iqtisadi inkişafın dayanıqlılığı və böhrana davamlılığı ölkələrdə kiçik və orta sahibkarlığın inkişaf səviyyəsindən asılıdır. Kiçik və orta sahibkarlığın zəif olduğu ölkələrin böhrana “immuniteti” çox zəif olur. İnkişaf etmiş ölkələrdə kiçik və orta sahibkarlığın ÜDM-də, məşğulluqda payı 50%-dən az deyil, hətta bəzi ölklərdə 70-80% intervalında dəyişir.
Ekspert Ağayevin sözlərinə görə, Azərbaycanda kiçik sahibkarlğın ÜDM-də payı cəmi 3%-dir. Orta sahibkarlığın statistikası (bəlkə, orta sahibkarlıq olmadığına görə) ümumiyyətlə yoxdur, deyə Ağayev bildirir.  08D