Polad istehsalı kompleksi yaradılıb
Poladəritmə sənayesi mərkəzləşir. Prezident İlham Əliyev 23 apreldə polad istehsalı kompleksi yaradılması barədə sərəncam verib. Sənədə əsasən, kompleks MMC olacaq. Layihələndirmə, tikinti və idarəçilik Gəncə və Daşkəsəni əhatə edir. Kompleksə “Daskəsən Filizsaflaşdırma ASC də daxildir. Burda filiz hasilatı, polat istehsalı, yeni texnologiyalar tətbiqi, maddi-texniki bazanın təkmilləşdirilməsi nəzərdə tutulur.
MMC-nin ümumi yığıncaq səlahiyyəti Nazirlər Kabineti, İqtisadi İnkişaf Nazirliyi və ƏMDK-yə tapşırılıb.
Hökumət nominal olaraq “Daskəsən Filizsaflaşdırma” ASC və “Azərboru”nu idarə edir. Amma 8 apreldə Baku Steel Company (BSC) MMC “SMS Simag” (Almaniya) Gəncədə metallurgiya istehsalı və Sumqayıt Boru Prokatı Zavodunun yenidən qurulması layihəsinin öyərənilməsi barədə razılığa gəlib. “Siemens” VAI şirkəti ilə Daşkəsəndə yeni müəssisə tikilməsi barədə memorandum imzalanıb.
Apreli 9-da “Baku Steel Company” bu və başqa layihələr üzrə “Air Liquide” (Fransa) və “Midrex” (ABŞ) şirkətləri ilə saziş imzalayıb. Layihəyə investisiyalar 1,4 mlrd avro təşkil edəcək. «Özəl müəssisəyə 100% dövlət kapitallı müəssisənin taleyini həll etmək səalhiyyətini kim verib?», sualına heç kəs cavab vermir. Əmlak Məsələləri Dövlət Komitəsi mətbuat katibi Qulu Xəlilov Turan-a bildirib ki, hökumət ƏMDK-nin şəxsində «BSC-yə onun adından danışıqlar aparıb belə saziş bağlamaq səlahiyyəti verməyib. BSC-in mətbuat katibi Namiq Əhmədov “Daşkəsən Filizsaflaşdırma” və “Azərboru” ilə bağlı məsələlərə aydınlıq gətirməyi vəd etsə də, hələlik cavab yoxdur.
. ƏMDK-nin 2006-cı ildən Det.Al Limited şirkəti ilə “Daşkəsən Filizsaflaşdırma”ya investisiya cəlb edilməsi üzrə sazişi var. “Det.Al Holding Limited” Azərbaycan təmsilçiliyinin direktoru Sərxan Babayev Turan-a bildirib ki, şirkət Daşkəsəndə işləyir və Gəncədə investisiyasını davam etdirir.
BSC-nin gözaltı etdiyi “Azərboru” isə investisiya müsabiqəsi yolu ilə özəlləşdirilməlidir və hazırda maliyyə məsləhətçisi axtarılır.
“Baku Steel Company” offşor zonada (Men adası, Britaniya) qeydiyyatdadır. 2011-ci ildən fəaliyyət göstərir. Əsas sahiblərinin Azərbaycanın yüksək rütbəli məmurları olduğu deyilir. “Baku Steel Company”nin adı 2011-ci ildən yerli KİV-də polad və metal prokatı istehsalı müəssisələrinin ələ keçirilməsi və istehsalın donduruilmasına məcbur etməkdə hallandırılır. Daşkəsən Filizsaflaşdırma” və “Azərboru” eyni özəlləşdirmə yolu keçib. Hər ikisi 2003-2004-cü illərdə Britaniya şirkətləri tərəfindən (“Aldex Limited” və “Targol İnvestment”) özəlləşdirilib. 2-3 il sonra investisiya öhdəliyinə icra edilməməsi səbəbi ilə hər iki investorla saziş ləğv edilib.
Prezidentin sərəncamı özəl və dövlət mülkiyyətinə hakimiyyətin münasibəti üzrə bir sıra sullara cavab verdi. Əgər əvvəllər hakimiyyət qrupları arasında filizsaflaşdırma və poladəritmə sahələrində nüfuz davası gedirdisə, İ.Əliyev mübahisələrə son qoyaraq anlatdı ki, son söz onun rəhbərlik etdiyi dövlətindir. --17D—
-
- Siyasət
- 24 Aprel 2013 14:24
-
- İqtisadiyyat
- 24 Aprel 2013 15:15
İqtisadiyyat
-
Azərbaycan, hal-hazırda ümumi enerji istehsalında 14.4% təşkil edən bərpa olunan enerji mənbələrindən əldə olunan elektrik enerjisinin payını əhəmiyyətli dərəcədə artırmağa hazırlaşır, deyə İqtisadiyyat Naziri müavini Səməd Başırlı cümə axşamı Bakı şəhərində keçirilən İqtisadi Əməkdaşlıq Təşkilatı (İƏT) Think Tanklar Forumu zamanı bəyan etdi.
-
Azərbaycan, tullantıların təkrar emalını artırmaq və davamlı inkişafı təşviq etmək məqsədilə pyroliz yağı istehsal layihəsini həyata keçirmək üçün italyan enerji şirkəti Technip Energies SpA ilə tərəfdaşlığa daxil olub, rəsmilər çərçivəsində məlumat verildi.
-
Oktyabrın 3-də Əsədovun Minskə rəsmi səfəri çərçivəsində Belarusun Baş naziri Roman Qolovçenko ilə Azərbaycanın Baş naziri Əli Əsədov arasında aparılmış danışıqlardan sonra çərşənbə axşamı Belarus və Azərbaycan arasında bir sıra əməkdaşlıq sazişləri imzalanıb.
-
Azərbaycanın dövlət borcları artmaqda davam edir, baxmayaraq ki, ölkə hələ də qlobal neft qiymətlərinin yüksək olmasından faydalanır. Azərbaycan Maliyyə Nazirliyinin məlumatına görə, 2024-cü ilin ilk yarısına olan vəziyyətə əsasən, ölkənin dövlət borcu 25 milyard manat təşkil edib ki, bu da Ümumi Daxili Məhsulun (ÜDM) 21%-nə bərabərdir.
Rəy yaz