Nazirlər Kabinetinin 10 mart tarixli qərarı ilə polad istehsalı kompleksinin tikintisi üçün idxal olunan mal və avadanlıqlar əlavə dəyər vergisindən azad edilib.
Hökumətin qərarı "Azərbaycan Polad İstehsalı Kompleksi" Qapalı Səhmdar Cəmiyyətinin müraciəti əsasında qəbul edilib və Maliyyə Nazirliyi, İqtisadiyyat və Sənaye Nazirliyi, Vergilər Nazirliyi, Ədliyyə Nazirliyi və Dövlət Gömrük Komitəsi ilə razılaşdırılıb. Qərar 1 yanvar 2019-cu ilədək qüvvədə olacaq.
Dəmir filizinin hasilatından polad istehsalına qədər bütün mərhələləri əhatə edən polad istehsalı kompleksinin tikintisi layihəsi 2013-cü ilin aprelində gücü ildə 1 mln ton olan yeni dövlət müəssisəsi yaradılmasından başlayıb.
Bu il hökumətə tapşırılıb ki, dövlət investisiya layihələrinə yenidən baxsın. Amma yəqin, bu layihə prioritetlər siyahısında qalır. Layihənin qiyməti açıqlanmır. Amma söhbət yüz milyonlarla ABŞ dollarından gedir.
Layihənin məsləhətçisi “Marubeni Corp.” Korporasiyası Gəncə regionunda "Azərbaycan Polad İstehsalı Kompleksi"nin tikintisi üçün baş podratçı cəlb edilməsi prosedurunu müəyyən edəcək. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz