Neft amili xarici ticarət dövriyyəsini aşağı salır

Karbohidrogen resurslarının birja qiymətlərinin azalma tendensiyası Azərbaycanda xarici ticarət dövriyyəsinin həcminə mənfi təsir göstərir: iki ay ərzində ölkədə xarici ticarət əməliyyatlarının həcmi $926,7 mln. və ya 18,6% azalıb. Dövlət Gömrük Komitəsi bildirib.

İlin əvvəlindən özəl və dövlət strukturlarının, həmçinin fiziki şəxslərin idxal-ixrac əməliyyatlarının həcmi $4 mlrd. 41,7 mln. təşkil edib. Xarici ticarət əməliyyatları üzrə müsbət saldo $627,4 mln.   təşkil edib.

Bu il ümumi məbləği $2 mlrd. 334,6 mln. həcmində mal ixrac edilib ki, bu da ötən ayda olduğundan 38,2% azdır. Neft, neft məhsulları və təbii qazın xüsusi çəkisi 90%-dən də aşağı enərək 84,8% təşkil edib.

İdxalın həcmi kəskin şəkildə artıb. İki ay ərzində $1,7 mlrd. həcmində mal idxal edilib ki, bu da 2014-cü ilin həmin dövrünün göstəricisindən 43,4% çoxdur.

Ərzaq mallarının idxal həcmi  (+35,8%), qara metallar (46,8%) və nəqliyyat vasitələri (5 dəfə) artıb.  2015-ci ilin yanvar-fevral aylarında mal idxalının 55%-i onların payına düşüb.

Qeyd edək ki, idxal strukturunda dövlət sektorunda xüsusi çəki 26,8%, ixrac üzrə 87,1% təşkil edir.

Onu da qeyd edək ki, qonşu Gürcüstanda iki ay ərzində $324 mln. həcmində mal ixrac edilib, $1 mırd. 109 mln. həcmindəidxal olunub. 08D