Prezident «Cənub qaz dəhlizi»nin maliyyələşməsinin detalları haqqında

Bəzi siyasi dairələr neftin qiymətinin düşməsi ilə bağlı yaranmış vəziyyətdən istifadə edərək deyirlər ki, Azərbaycanın indi pulu azalıb, Azərbaycan indi ağır, çətin vəziyyətə düşüb, “Cənub” qaz dəhlizini maliyyələşdirmək üçün pulu yoxdur.

Prezident İlham Əliyev Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunan iclasında belə gözlənilməz bəyanat verib.

“ ona görə, gəlin Azərbaycana təzyiq edək, öz tələblərimizi qoyaq, öz maraqlarımızı təmin edək ki, o şərtlə biz Azərbaycana kredit verə bilərik. Bax, bu, keçən il ərzində müşahidə edilən mənzərə idi, çox ucuz, necə deyərlər, çox ləyaqətsiz hərəkətlər idi.

“Bəzi dairələr Azərbaycana təzyiq etmək istəyir. Onlar əvvəllər heç bir şərtsiz kredit verirdi. Indi aydın olmayan siyasi tələblər irəli sürürlər Ötən il belə bir mənzərənin şahidi olduq. Bunlar çox populist, ləyaqətsiz hərəkətlərdir”, - deyə o qeyd edib.

«İlk növbədə, heç bir kənar qüvvə bizi istəmədiyimiz layihəyə cəlb edə bilməz, bu, birincisi. Bizim üçün əsas dövlətimizin, xalqımızın maraqlarıdır. İkincisi, heç kim bizə heç nəyi diktə edə bilməz. Bunu yaxın tarix artıq göstərib, bütün bu səylər əbəsdir. Bizi bu vəziyyətlə şantaj etmək istəyənlər, sadəcə olaraq, özlərinə hörmət etmirlər və onlara olan-qalan, azalan inamı da tamamilə aradan götürürlər. Biz “Cənub Qaz Dəhlizi”ni də, bütün başqa layihələri də icra edəcəyik. Yenə də deyirəm, bu layihənin icrası bizə də, Avropaya da lazımdır. Bu layihənin icrası nəticəsində onların enerji təhlükəsizliyi təmin ediləcək”, - deyə İlham Əliyev qeyd edib.

“Belə ucuz şantaj hərəkətləri yersizdir. Ancaq onu da qeyd etməliyəm ki, biz təkcə Avropa maliyyə qurumları ilə işləmirik, biz Asiya maliyyə qurumları ilə də işləyirik və daha da səmərəli işləyirik, daha asan yolla vəsait əldə edirik”, — deyə İlham Əliyev qeyd edib.

* 2016-cı ildə Azərbaycan “Cənub qaz dəhlizi”ndə SOCAR-ın payının maliyyələşməsi üçün $1,5 mlrd kredit alıb. Bundan başqa, $1,276 mlrd sindikatlaşdırılmış kredit almaq üçün Azərbaycana zəmanət vermək qərara alınıb. Bu kreditlər Asiya İnkişaf Bankı ($500 mln), Dünya Bankı ($400 mln), AİİB-dən ($600 mln) alınacaq. –12D--