Azərbaycan hakimiyyəti neftin qiymətinin enməsi şəraitində milli valyutanın saxlanması üçün əlavə səylər göstərmək niyyətində deyil və öz strateji aktivi - Dövlət Neft Şirkətini (SOCAR) özəlləşdirməyəcək. Bunu prezident İlham Əliyev Davos Forumu kuluarlarında RİA Novosti-yə deyib.
Neft gəlirləri Azərbaycan ixracının 90%-ə qədərini təşkil edir və milli valyuta manat neftin qiymətinin dörd dəfə enməsi fonunda iki dəfə devalvasiyaya uğrayaraq dollara nisbətdə 50%-dən çox dəyərdən düşüb.
“Manata gəlincə, düşünürəm ki, nə lazımdırsa biz artıq etmişik. Zənnimcə, hökumət gələcək heç bir addım atmayacaq. Bugünkü məzənnə neftin indiki qiyməti nəzərə alınmaqla stabildir. Əgər neft enməkdə davam edərsə manata bundan ziyan dəyəcəyini düşünmürəm. Hazırda bu, ədalətli məzənnədir”, - İ.Əliyev bildirib.
Bu yaxınlarda Azərbaycanda elan edilən genişmiqyaslı özəlləşdirmədə Rusiya şirkətlərinin iştirakı ilə bağlı sualın cavabında dövlət başçısı deyib ki, Rusiya onun ölkəsinin yaxın dostudur. “İstəsə, yalnız şad olarıq. Hələlik müraciət olunmayıb, biz yeni elan etmişik”, - o vurğulayıb.
İ.Əliyevin sözlərinə görə, “şirkətlərin siyahısı (özəlləşdirmə üçün) tezliklə müzakirəyə çıxarılacaq”.
“SOCAR dövlətin mülkiyyətində qalacaq, çünki onun strateji aktividir”, dövlət başçısı qeyd edib.—06D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz