2015-ci ildə Azərbaycanın qeyri-neft ixracatı $1 606,7 mln təşkil edib. Bu, ötən ilkindən 8,4% azdır. Beləliklə, təkcə neft-qaz xammalı və neft məhsulları yox, qeyri-neft sənayesi mallarının ixracatı da azalır.
Gömrük Komitəsinin məlumatına görə, neft ixracatı azaldığı üçün ixracat strukturunda qeyri-neft ixracatının payı 14%-ə çatıb.
2015-ci ildə Azərbaycandan $11 mlrd 424,4 mln məbləğində mal ixrac edilib. Bu, 2014-cü ildəkindən 47,6% azdır. Təkcə dekabrda ixracat $805,3 mln olub. Bu, noyabrdakından $48,8 mln azdır.
İdxala gəlincə, ötən il xaricdən mal alınmasına $9 mlrd 221,4 mln xərclənib. Bu, 2014-cü ildəkindən 0,36% çoxdur, deyə DGK bildirir.
Hələlik Azərbaycanın xarici ticarət dövriyyəsinin saldosu müsbətdir - $2,2 mlrd. Amma bir çox müstəqil ekspertlərə görə, mal idxalına gömrük bəyannaməsində göstəriləndən xeyli çox valyuta xərclənir. Belə ki, idxal eidlən malların çoxu gömrükdə rəsmi uçota alınmır. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz