Prezident Neft Fondunun 2015-c il büdcəsini təsdiqlədi

Azərbaycan prezidenti yanvarın 19-da Neft Fondunun 2015-c il büdcəsini təsdiqləyib.

Büdcəyə əsasən, Fondun gəlirləri 10 milyard 246.6 milyon manat, xərcləri isə 11 milyard 813.9 milyon manat təsdiqlənib.

 Gəlirlərin strukturunda neft-qaz müavilələrdən Azərbaycan hökumətinə düşən mənfəət 9 milyard 741.1 milyon manat, akrhesabı ödənişlər 1 568,4 min manat, neftin və qazın Azərbaycan Respublikasının ərazisi ilə ötürülməsindən əldə edilən gəlirlər 9 410,4 min manat təşkil edir. Dövlət Neft Fondunun valyuta aktivlərinin yerləşdirilməsindən və idarə olunmasından əldə edilən gəlirlər 494 357,5 min manat, digər gəlirlər 100 min manat olacaq.

Xərclərin strukturunda dövlət büdcəsindən transfertlər 10,388 mlrd manat təşkil edəcək. Samur-Abşeron kanalının yenidən qurulmasına 90 milyon manat,  qaçqın və məcburi köçkünlərin məskunlaşdırılması ilə bağlı xərclərə 150 milyon manat, Bakı-Tbilisi-Qars dəmir yoluna 111.5 milyon manat, 2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramının maliyyələşdirilməsinə 44.1 milyon manat ayrılır.

Bundan başqa, Cənub Qaz  Dəhlizi layihələrində Azərbaycanın iştirak payının maliyyələşdirilməsinə 997 milyon manat ayrılacaq.

Dövlət Neft Fondunun idarə edilməsi ilə bağlı xərclər 33,318 mln manat olacaq. Xatırladaq ki, 2014-cü ildə Fondun gəlirləri 11 626 943,4 min manat, xərcləri 11 349 934,8 min manat olub.

Yanvarın 19-u üçün rəsmi məzənnə 0,7844 AZN/USD-dır.—0--