Prezident sahibkarlıq sahəsində yoxlamalar haqqında qanunun tətbiqinə dair fərman imzalayıb
Azərbaycan prezidenti İlham Əliyev avqustun 28-də «Sahibkarlıq sahəsində yoxlamaların tənzimlənməsi və sahibkarların maraqlarının müdafiəsi haqqında» AR qanunun tətbiqinə dair fərman imzalayıb.
Qanun sahibkarlıq sahəsində yoxlamaların məqsəd və prinsiplərini, yoxlayan orqanların və vəzifəli şəxslərin hüquq və səlahiyyətlərini, sahibkarların hüquq və maraqlarının qorunması ilə bağlı tələbləri müəyyən edir.
Dövlət başçısı fərmanda Nazirlər Kabinetinə üç ay müddətində bu qanunun pozulmasına görə məsuliyyət tədbirlərinin müəyyən edilməsinə dair təklifləri hazırlamağı tapşırıb. Hökumət insanların həyat və sağlamlığına, ətraf mühitin və dövlətin əmlak maraqlarına xüsusi təhlükə və xüsusi ziyanın müəyyən edilməsi ilə bağlı təklifləri prezidentin baxılmasına təqdim etməlidir. O həmçinin kiçik, orta və iri sahibkarlığın meyarlarına yenidən baxacaq.
Qanun yoxlanılan subyekt qarşısında vahid sual bazasının tətbiqini nəzərdə tutur.
Nazirlər Kabineti iki ay müddətində yoxlama orqanları və onların nəzarət sahəsinin siyahısını müəyyən etməlidir. Bu siyahı təsdiq olunandan sonra hökumət iki ay müddətində hər nəzarət sahəsinə görə risk qruplarının müəyyən edilməsi meyarlarını təsdiq etməlidir.
Ədliyyə və İqtisadi İnkişaf Nazirlikləri ildə iki dəfədən az olmayaraq bu qanundan irəli gələn suallarla bağlı yoxlama orqanları üçün məşğələlər keçirəcək. İl ərzində bu nazirliklər hər ay çap və elektron KİV-də sahibkarlar üçün informasiya kampaniyası həyata keçirəcək.
Qanun dərc ediləndən (avqustun 29-da) altı ay sonra qüvvəyə minəcək. 08D
İqtisadiyyat
-
Kiçik və Orta Sahibkarlıq Agentliyi (KOBİA) və İqtisadiyyat və Ekologiya və Təbii Sərvətlər Nazirliklərinin birgə təşkilatçılığı ilə bu gün Bakı şəhərində kiçik və orta sahibkarlıq (KOS) sektoru üçün yaşıl iqtisadiyyatda rolu müzakirə edən bir konfrans keçirilmişdir.
-
Sentyabrın qızılı günəşi altında, 2024-cü il sentyabrın 7-8-də Şamaxının Meisari kəndində Üçüncü Üzüm və Şərab Festivalı keçirildi. Bu tədbir şərab həvəskarları və turistləri Azərbaycanın qədim şərabçılıq ənənələrini qeyd etmək üçün bir araya gətirdi. Dövlət Turizm Agentliyinin təşkil etdiyi festival, ölkənin üzümçülük sahəsini dirçəltmək, yerli istehsalı artırmaq və ixrac imkanlarını genişləndirmək istiqamətindəki səylərini ön plana çıxardı.
-
Azərbaycan “Eurovision” üçün Crystal Hall, Bakı Olimpiya Stadionu və “Şahdağ” xizək kurortu daxil olmaqla, miqyaslı infrastruktur layihələrinə 1,6 milyard dollardan çox vəsait xərcləyib. Lakin London Biznes Məktəbinin məzunu və Sage Solutions şirkətinin direktoru Fikrət Məmmədovun sözlərinə görə, bu xərclər ölkə iqtisadiyyatına uzunmüddətli fayda gətirməyib.
-
İqtisadçı Qubad İbadoğlunun məqaləsində qeyd olunur ki, 2020-ci ildə 44 günlük İkinci Qarabağ müharibəsinin nəticələri Azərbaycan iqtisadiyyatına birbaşa xarici investisiyaların (BXİ) reytinqini əhəmiyyətli dərəcədə dəyişib. Son məlumatlar Rusiya, Türkiyə və Çindən xüsusilə işğaldan azad edilmiş ərazilərə yönəlmiş investisiyaların nəzərəçarpacaq dərəcədə artdığını göstərir. Bununla belə, inhisarçılıq, məhkəmə müstəqilliyinin olmaması və hökumətin dövlətlərin “dost” və ya “qeyri-dost” kimi təsnifatı kimi maneələr marağı azaltdığından Qərb investisiyaları məhdud olaraq qalır.
Rəy yaz