Prezident Vergi Məcəlləsini pozub?

  Yanvarın 14-də İqtisadiyyat və Sənaye Nazirliyi buğdanın idxalı və satışı, buğda ununun və çörəyin istehsalı və satışının əlavə dəyər vergisindən azad olunması barədə informasiya yayıb. Bu, onların ucuzlaşması ilə nəticələnəcək. Amma ekspertlərin fikrincə, bu qərar mövcud qanunvericiliyə ziddir.

İSN-in məlumatında deyilir ki, qərar Azərbaycan Respublikası Prezidentinin tapşırığına əsasən qəbul edilib. Qərarı kimin qəbul etdiyi açıqlanmır.

Məsələ burasındadır ki, 1 yanvar 2016-cı ildən  vergisindən azad olunma haqqında qərar qanunverici orqan tərəfindən qəbul edilə bilər. Buna qədər səlahiyyət Nazirlər Kabinetində olub.

Hüquqşünas Əlaif Həsənov hesab edir ki, dövlət vəzifəli şəxslərin şifahi tapşırığı ilə idarə edilməməlidir. «Qanun var və hüquqi qərarlar onun çərçivəsində olmalıdır. İndiki halda Milli Məclis fövqəladə iclas çağırıb Vergi Məcəlləsinə dəyişiklik etməli idi», - deyə Həsənov qeyd edib.

Buğdanın, buğda ununun və çörəyin istehsalı və satışının əlavə dəyər vergisindən azad olunması əhalinin xeyrinədir. Eyni zamanda, nəzərə almaq lazımdır ki, gələcəkdə bu şəkildə vətəndaşların hüquq və azadlıqlarını məhdudlaşdıran qərarlar qəbul edilə bilər, deyə hüquqşünas düşünür.

2015-ci ilin yanvar-noyabrında Azərbaycana buğda idxalının həcmi $276 mln təşkil edib. Bu göstərici bu il də qalsa, dövlət büdcəsinə $50 mln məbləğində ƏDV daxil olmayacaq.  08B