«PricewaterhouseCoopers» ƏMDK-yə dövlət əmlakının özəlləşdirilməsi üzrə məsləhət verəcək
Əmlak Məsələləri Dövlət Komitəsi “PricewaterhouseCoopers” şirkəti ilə Əməkdaşlıq haqqında Memorandum imzalayıb. Sənəd dövlət əmlakının özəlləşdirilməsi prosesinə potensial investorların cəlb edilməsinə PwC-nin dəstəyini nəzərdə tutur.
ƏMDK-nin mətbuat xidmətində Turan-a deyiblər ki, PwC investorların və maraqlı tərəflərin iştirakı ilə özəlləşdirmə ilə bağlı investisiya konfransları və forumlarının təşkilini həyata keçirəcək.
ƏMDK və PwC özəlləşdirmə üzrə xarici investorlar üçün daha cəlbedici forma və metodlar üzrə tədbirlər planı üzərində işləyir.
ƏMDK başqa beynəlxalq konsaltinq şirkətləri ilə də əməkdaşlıq etmək niyyətindədir.
2016-cı ilin iyulundan hökumət özəlləşdirmə üzrə daha şəffaf və açıq siyasət yürüdür. Hələlik xarici investorlar kiçik müəssisə və obyektlərin özəlləşməsində, əvvəllər özəlləşdirilmiş SC-lərin 30%-lik səhm paketinin alınmasında iştirak etmir.
1996-cı ildən Azərbaycanda 45 min kiçik müəssisə və obyekt özəlləşdirilib, 1600-dən çox müəssisə səhmlşdirilib və özəlləşdirilib. Xarici investorlar bir neçə rabitə, sənaye və xidmət müəssisəsinin özəlləşdirilməsində iştirak edib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz