«Qala Hаyat Sığorta» şirkəti nizamnamə kapitalını 20% – 1 mln 488 min manata qədər artırır. Emissiya ödəniləndən sonra onun nizamnamə kapitalı 7 mln 456 min manata çatacaq. Hələlik bu göstərici 5 mln 968 min manatdır.
Şirkətin əsas səhmdarı xalis mənfəəti maliyyə rsikləri ilə mübarizəyə yönləndirməyi qərara alıb.
Bunun üçün səhmlərin nominalı 1 min 628-dən 2 min 156 manata qaldırılacaq. 3,5 min adi adlı sənədsiz səhmlərin emissiya prospekti noyabrın 26-da QKDK-da qeydiyyata alınıb.
Şirkətdən Turan-a verilən məlumata görə, emissiya qapalı şəkildə yerləşdiriləcək. Səhmdarların tərkibi dəyişməyəcək. --17D—
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz