BP-Azerbaijan yarım ilin hesabatını açıqlayıb. Ən vacib informasiya Chirag Oil Project (2010-2013) həyata kçeirilən və $6 mlrd-a başa gələn “Qərbi Çıraq” platformasında hasilatın başlamasıdır.
Hesabata əsasən, I yarımildə “Qərbi Çıraq” platformasında orta sutkalıq hasilat 25,9 min barrel olub. Bu azdır, yoxsa çox?
Hazırda “Qərbi Çıraq” platformasında 4 quyu istismar edilir. Demək, hər quyudan sutkada 6,4 min barrel hasil edilir. AÇG-nin başqa platformalarındakı quyularla müqayisə etsək, bu nəticələrə gələrik:
platforma | Platforma istismara verilib | Quyunun orta məhsuldarlığı (sutkada barrel) |
Çıraq | 7 noyabr 1997 | 5061 |
Qərbi Çıraq | 28 yanvar 2014 | 6475 (12 500) |
Mərkəzi Azəri | 13 fevral 2005 | 9311 |
Qərbi Azəri | 30 dekabr 2005 | 9172 |
Şərqi Azəri | 21 oktyabr 2006 | 6400 |
Dərinsulu Günəşli | 4 aprel 2008 | 9900 |
Cədvəldən göründüyü kimi, “Qərbi Çıraq” platformasında məhsuldarlıq “Çıraq”dakından yüksək, “Şərqi Azəri” ilə eyni olub. Amma hazırda paltformada hasilat sutkada 50 min barreldir. Ona görə sutkada orta məhsuldarlıq 12,5 min barreldir. Bunlar kontrakt sahəsində ən məhsuldar quyulardır.
ВР-nin məlumatına əsasən, gələcəkdə “Qərbi Çıraq” platformasından hasilatı sutkada 160-170 min barrelə çatdırmaq planlaşdırılır. Bu, Azərbaycan üçün əhəmiyyətlidir. Çünki 3-4 ildən sAÇG-nin digər platformalarında hasilat kəskin düşəcək. Ona görə hasilatı qorumaq üçün “Qərbi Çıraq” platformasının imkanları əvəzedilməzdir. Ordan “Günəşli” və “Çıraq”ın arasındakı məhsuldar laylara çatmaq mümkündür. —12А—
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz