2012-ci ildə Azərbaycanda qiymətli kağızlar bazarının həcmi 9,4 mlrd. manat təşkil edib ki, bu da inişil olduğundan 6% çoxdur. Bazar artımı dövlət borc kağızlarının hesabına təmin olunub.
Yanvarın 25-də Qiymətli Kağızlar üzrə Dövlət Komitəsinin kollegiya iclasında qeyd olunub ki, dövlət qiymətli kağızlar bazarı 2011-ci illə müqayisədə 20% artıb, korporativ bazar isə 38% azalıb. Dövlət kağızları ilə əməliyyatların həcmi 8 093 mln. manat təşkil edib. Əməliyyatların təxminən 85%-i (6,85 mırd. manat) Mərkəzi Bankın notları ilə keçirilmiş repo/əks-repo əməliyyatlarının payına düşür.
Maliyyə Nazirliyinin istiqrazları ilə əməliyyatların həcmi
167,4 mln. manat təşkil edib ki, bu da 2011-ci ildə olduğundan 40% azdır.
Qeyd edək ki, dövlət qiymətli kağızlar bazarında investorların fəallığı ötən il azalıb. Əgər 2011-ci ildə həmin kağızlar üzrə 1768 əqd bağlanıbsa, 2012-ci ildə bu göstərici 1307-ə enib.
Ekspertlərin fikrincə, Azərbaycanda qiymətli kağızlar bazarı aşağı likvidlik və maliyyə alətlərinin çatışmazlığı dövrünü keçirir. Bu, dövlət kağızları bazarının korporativ bazar üzərində üstünlüyünə gətirib çıxarır. Hələlik QKDK bazarda təklifin artması məsələsinin öhdəsindən gələ bilmir. 08D
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz