
Qiymətli kağızlar bazarının inkişafı üzrə tədbirlərin icrası müzakirə edilib
Azərbaycan Respublikasının Qiymətli Kağızlar üzrə Dövlət Komitəsində (QKDK) 2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramının Tədbirlər Planının icra vəziyyətinin qiymətləndirilməsinə dair geniş tərkibdə Kollegiya iclası keçirilib. Bazarda vəziyyət ölü nöqtədən tərpənməsə də, QKDK rəhbəri hesab edir ki, 2011-2013-cü illər üzrə Tədbirlər planı uğurla tamamlanıb.
İctimaiyyətlə əlaqələr sektorunun press-relizində deyilir ki, Dövlət Proqramı qəbul ediləndən sonra QK bazarında köklü dəyişikliklər olub. QKDK-nın sədri QKDK-nın sədri Rüfət Aslanlı Dövlət Proqramının 2014-2015-ci illər üzrə Tədbirlər Planın hazırlanması, növbəti müddət ərzində aidiyyəti dövlət orqanlarının iştirakı ilə yaradılmış Əlaqələndirmə Qrupunun fəaliyyətində səmərəliliyin artırılması istiqamətində müvafiq tapşırıqlar verib.
Məlumatda konkret işlər barədə informasiya yoxdur. Amma məlumdur ki, ötən dövrdə ticarət-qeydiyyat, depozitar infrastruktur modernləşib, normativ baza yenilənib. Dünya Bankından kapital bazarının modernləşdirilməsi üçün çoxmilyonlu kredit alınıb. Amma nə QKDK, nə də bazarın peşəkar iştirakçıları QK bazarında keyfiyyət dəyişikliyinə nail olub. Əvvəlkitək yeni maliyyə alətləri təklif edilmir, regional şaxələnmə yoxdur, emitentlər kapital cəlb etmək üçün bazara müraciət etmir, qanunvericilik ciddi şəkildə köhnəlib. 08D
-
- Cəmiyyət
- 31 Oktyabr 2013 15:10
-
- İqtisadiyyat
- 31 Oktyabr 2013 15:29
İqtisadiyyat
-
Azərbaycan Dövlət Neft Şirkəti (SOCAR) Albaniyada nümayəndəlik açıb və bu il konkret bir layihənin icrasına başlamağa hazırlaşır, Albaniyanın "Albgaz" şirkəti bildirib.
-
"Azərbaycan hazırda 54 orta gəlirli ölkə arasındadır". Bunu Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov fevralın 10-da Bakıda Dünya Bankının "Dünya İnkişaf Hesabatı 2024" təqdimatında deyib.
-
Azərbaycan Prezidenti İlham Əliyev fevralın 11-də "Avtomatlaşdırılmış Qida Təhlükəsizliyi" informasiya sisteminin (AQTS) yaradılmasına dair fərman imzalayıb. Bu addım ölkənin qida təhlükəsizliyi, baytarlıq və fitosanitar nəzarəti sahələrində dövlət idarəetməsinin optimallaşdırılmasını və göstərilən xidmətlərin keyfiyyətinin artırılmasını hədəfləyir.
-
Azərbaycan Respublikasının Prezidenti İlham Əliyev, Azərbaycan və Rusiya hökumətləri arasında "Şimal-Cənub" beynəlxalq nəqliyyat dəhlizində tranzit yük daşımalarının artırılmasına yönəlmiş əməkdaşlıq sazişini təsdiqləyən fərman imzalayıb.
Rəy yaz