Qızıl xalqın sərvəti olduğu üçün Neft Fondu onun istifadəsi ilə bağlı ictimaiyyətə açıqlama verilməlidir – iqtisadçı

Qızıl xalqın sərvəti olduğu üçün Neft Fondu onun istifadəsi ilə bağlı ictimaiyyətə açıqlama verilməlidir, deyə iqtisadçı  Samir Əliyev hesab edir.

Turan-ın məlumatına görə, iqtisadçı Dünya Qızıl Şurasının Azərbaycanın qızıl ehtiyatı 1,03 ton azalması (30,2 tondan 29,1 tona düşüb) barədə informasiyası ilə bağlı deyib ki, Fondun izahatı qənaətbəxş deyil.

Neft Fondu bəyan etmişdi ki, qızıl ehtiyatları Mərkəzi Banka deyil, Dövlət Neft Fonduna məxsusdur. Sadəcə olaraq, Azərbaycanın qızıl ehtiyatlarına cavabdeh olan Dövlət Neft Fondu onun etibarlı şəkildə qorunmasını təmin etmək məqsədilə Mərkəzi Bankda saxlayıb. Dövlət Neft Fondunun yeni binası istismara verildikdən sonra isə ehtiyatların Mərkəzi Bankın binasından öz binasına köçürülməsinə və burada saxlanılmasına qərar verib. Beləliklə, ehtiyatların bir hissəsi Mərkəzi Bankdan çıxarılıb. Bu, xəzinəyə giriş-çıxış sənədlərində də öz əksini tapıb.

İqtisadçı Fondun bəyanatına şübhə ilə yanaşır və sual verir: “Əgər belədirsə niyə Dünya Qızıl Şurası cəmisi 1,03 ton azalma göstərir? Fond qızılın hamısını götürübsə onda azalma müvafiq olmalı idi. Fondun binası 2 il əvvəl istifadəyə verilibsə, qızıl niyə indi köçürülür?», deyə Əliyev bildirib. 71D